5. Mose 27:15 - O Debleskro Lab 2024 (Sinte-Manouche)

¹⁵ “Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

O Debleskro Drom 2021 (Sinte)

¹⁵ “Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

5. Mose 27:15 ပူးပေါင်းရင်းမြစ်များ

1. Mose 31:19

Glan lengro naashepen, har his o Laban vin, te činell lo o bal peskre bakrendar, čoras i Rachel i khereskre deblen, hoy lakro dad an-mangell. Oun yoy las len peha.

1. Mose 31:34

I Rachel las kol khereskre deblen, khatras len tel i khamelakri pernitsa, oun beshas pes pral pre. Oun o Laban rodas an o tselo plarhteno kheer oun hatsas či.

1. Mose 9:25

“Bibarht ap o Kanaan! Yob vella o telstouno boudepaskro peskre phralenge!”

2. Rajengro liil 17:19

Ninna kolla dran Youda rikran pen gar ap i laba lengro baro Deblestar, na-a, yon djivan yaake har kol vavar dran Israel ninna djivan.

2. Rajengro liil 23:13

Ninna kras lo kol moulne platse pale-čiddo, hoy kras o Salomo, ko baro ray pral Israel. Kolla his tardo ap koy rig o forestar Yerusalem, kay o kham pre-djal, ap i čači rig o djeteskri bergatar. O Salomo kras len, te venn kote kol djoungele moule debla an-mangedo: i Astarte, koy debletsa dran Sidon; oun o Kemosh, ko devel dran o them Moab; oun o Milkom, ko devel dran o them Ammon.

1. Familjakro liil 16:36

Sharedo vell o baro Devel, kay o Israeleskro Devel hi, kanna oun hako tsireske! Oun i tsele menshe penan: “Amen! Sharedo vell o baro Devel!”

2. Familjakro liil 33:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Mose 20:23

Doleske krenn t'menge kek vavar debles, kek dran roup, vitar kek dran sonakay.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

2. Mose 34:17

Ma krenn t'men kek debles dran saster, sonakay oun roup!

Jesaja 44:13

Oun ko boudepaskro, kay o kashteha boudrell, lell i kotar kasht, dikell pal, har baro kova hi, oun činell glan, hoy lo i čouryeha palle vin činell. Oun yob krell dran ko kasht i figura, te vell li tardo an i kheer. Koy figura dikell vin har i mensho, ava, har i shoukar mensho.

Jesaja 44:17

Oun ko vavar kasht lell lo oun krell peske lestar i devel, te mangell lo les an, oun čivrell pes glan leste tele oun sharell les oun penell: “Le man dran o merepen vin, tou hal miro devel!”

Jesaja 44:19

Savo mensho hayvell gar, hoy lo krell. Či djal an leskro shero, oun kek gosvepen hi an leste, yaake te penals lo peske: “O paash kolestar rhačrom an i yag, oun ap koy yag pekom maro oun mass, oun rhom les. Oun ko vavar paash kolestar, krap i devel, glan koleste me man tele ap i phoub vitsrap? Glan i kotar kasht?”

Jeremia 11:3

Pen lenge: O baro Devel, kay hi o Israeleskro Devel, penell: Bibarht vell pral hakeneste t'mendar, kay rikrell gar kol laba, hoy me t'mentsa vin krom.

Jeremia 11:5

Palle rikrap nay koy sovel dren, hoy dom len, oun dap len ko them, kay thoud oun gvin nashenna, yaake har kova kay dives hi. Me penom: Ava, baro Devel, yaake hi kova.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Jeremia 28:6

“Amen! O baro Devel te krell yaake! Mou krell yob, te vell tiro lab čačo, hoy glan-vi penal, te anell lo ko kouč koova dran leskro kheer, hoy an o them Babilonia anlo vas, pale pale an kava foro, ninna kol tsele menshen, kay pandles krik anlo van.

Ezekiel 14:4

Pen lenge: Kava penell o baro Devel, maro ray: Hakeno dran o kheer Israel, kay kras peskro dji pre peskre rhorhene deblenge, oun čivas len pre glan peste, kolen, kay anenn les ap o čilačo drom, oun vell palle pash miro rakepaskro, te poučell lo mandar čomone, koleha rakrau me, o baro Devel, yaake, har hounte vell rakedo yekeha, kay boud rhorhene deblen an-mangell.

Ezekiel 7:20

Lengro tselo shoukar koova kras, te van le pre-phourdo. Oun yon kran pen kolestar djoungele figure, rhorhene deblen, hoy le an-mangan. Doleske krom me, te vell kava koova lenge har čik.

Daniel 11:31

Oun yob bičrell lourden, kay o Debleskro kheer ap i berga pale-čiddo krenn, oun krenn, te venn o Debleske bouder gar hako dives firhe anlo. Oun yon čivenn kote koy djoungeli čilači figura pre.

Daniel 9:11

Oun o tselo Israel djas tiro dromestar tele, oun kras, hoy yob kamas, oun shounas gar ap toute. Oun yaake vas koy tseli bibarht pral mende, hoy činlo hi an o liil o Mosestar, koles tiro čačo vast his. Mer kram čilačepen ap toute. Doleske vas kay bibarht yaake pral mende, har tou tout sovel dal.

3. Mose 19:4

Ma nashenn i rhorhene deblen palla! Krenn t'men kek debla t'mare vastentsa! Me, o baro Devel, hom t'maro Devel.

3. Mose 26:1

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

4. Mose 5:22

“Yaake djal ko nasselo pani an tiro per, oun tiro per vell pesseder, oun tire rigya perenn khetne.” Oun koy djouvel hounte penella: “Amen, yaake te vell kova!”

Mateo 24:15

Glan i rah tsiro rakras o Debleskro rakepaskro Daniel pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura an o Debleskro baro kheer tardo,

Mateo 6:13

Ma mouk men tiro dromestar tele te djal! Le men dran o bengeskro vast vin!

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

5. Mose 27:14

Oun i Levitarya hounte denn ap i tsele morshende an Israel gole, oun penenn:

5. Mose 29:17

Doleske denn t'men yak, te vell kava dives mank t'mende kek morsh oun kek djouvel, vitar kek dadeskro kheer oun kek bari familya, kay rissrenn pen tele maro baro Deblestar, te mangenn le i deblen kol vavar menshendar an. Dran savo koova vals bibarht oun merepen menge halauterenge.

5. Mose 4:25

Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

5. Mose 5:8

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an i pani tel i phoub.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

Čačepangre 17:3

Oun yob das kol 1.100 (yek-sero-yek-sheel) roupene love peskri date pale pale. Oun leskri day penas: “Me dau ko roup o baro Debleste, te vell kek bibarht ap toute, miro čaveste. Kol loventsa te vell i kashteni figura kerdo, pral kolate roup čoredo hi.”

Čačepangre 17:4

Yob kamas gar oun das ko roup peskri date pale pale. Koy las leskri day 200 (douy-sheel) roupene love, oun das len ko morshes, kay shoukar koova dran sonakay krella. Oun kova kras i kashteni figura, oun čoras roup pral kolate. Oun koy figura vas čiddo an o Mikaeskro kheer.

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!