5. Mose 23:20 - O Debleskro Lab 2024 (Sinte-Manouche)

²⁰ Te patsal love tiro phrales, less tou kek love boudeder ap kol love, hoy tou les patsal, vitar gar pash rhapen oun vavar koova, hoy yek nay patsell. Tou less kova pale, hoy tou les dal, oun gar boudeder.

O Debleskro Drom 2021 (Sinte)

²⁰ Te patsal lowe tiro phrales, less tu kek lowe budeder ap kol lowe, hoi tu les patsal, witar gar pash chapen un wawar koowa, hoi jek nai patsell. Tu less kowa pale, hoi tu les dal, un gar budeder.

5. Mose 23:20 ပူးပေါင်းရင်းမြစ်များ

Nehemia 5:7

Oun rakrom miro djiyeha, oun djom pash i pralstunende oun i čačepangre morshende oun čingrom ap lende oun penom: “T'mer piyenn o rat t'mare phralendar vin!” Oun me krom i baro tsillo,

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

2. Mose 22:24

Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

2. Mose 22:25

Te hi yek tire menshendar touke love siyaan, oun tou leh leskri baya ko tsireske, kay yob touke love siyaan hi, palle dik, te dess leste peskri baya pale glan ko tsiro, kay o kham tele djal.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 24:2

i rashaya oun i vavar menshe, o ray oun o boudepaskro, i rayetsa oun i boudepaskretsa, o bikepaskro oun o ginepaskro, kova, kay peske love patsell oun kova, kay love vin patsell, koles, kay siyaan hi oun kova, pash koleste yekes siyaan hi.

Ezekiel 18:8

Te patsas lo love vin, lell lo peske gar boudeder love pale. Yob rikrell peskro vast pale, te krell lo kek čilačepen. Oun an i čingepen dell lo yak, te lell hakeno peskro čačepen.

3. Mose 25:36

Te patseh leske love, pouč gar boudeder love pale. Rike touke o baro Debles glan i yaka, oun kre, te nay djivell tiro phraal pash t'mende!

Louka 14:14

Te kreh tou kova, hal tou barhtelo! Kol menshe nay denn tout či pale. Te krell o Devel kol moulen djido, kay kran, hoy yob kamas, palle dell lo tout kova lauter pale, hoy tou lenge kral.”

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

5. Mose 14:21

T'mer hounte rhan kek mass i firhestar, hoy moules trouyel čiddo hi. I vi-themares, kay djivell an t'maro foro, koles nay denn les, te rhal yob les. Ninna nay bikrenn les ap yekeste dran o vi-them. T'mer han menshe, kay hi o baro Debleske koy, kay t'maro Devel hi. Tou keress gar i bouzyakro ternepen an o thoud leskri datar.

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 15:3

Yekestar, kay hi i vi-themari, nay mangenn t'mer leskri siyaan pale. T'maro phraleske hounte moukenn lat.

5. Mose 28:12

Yob krell t'menge o bolepen pre oun dell brishin an o čačo tsiro ap t'maro them, oun čivell peskri barht ap halauter, hoy t'mer krenna. Oun t'mer patsenn i menshenge an boud themma. Lendar hounte patsenn t'menge či.