5. Mose 2:29 - O Debleskro Lab 2024 (Sinte-Manouche)

²⁹ bis te vas mer vergel o pani lengsto Yordan an ko them, hoy maro baro Devel men della. Dik, ninna i Edomarya, kay djivenn an Seir, oun i Moabarya, kay djivenn an Ar, kolla moukan men vergel lengre themma te djal.”

O Debleskro Drom 2021 (Sinte)

²⁹ bis te was mer wergel o pani lengsto Jordan an ko them, hoi maro baro Dewel men della. Dik, ninna i Edomarja, kai djiwenn an Seir, un i Moabarja, kai djiwenn an Ar, kolla mukan men wergel lengre themma te djal.”

5. Mose 2:29 ပူးပေါင်းရင်းမြစ်များ

1. Mose 19:37

Oun i phoureder čay anas i čaves ap i phoub. Koles das yoy ko lab Moab. Kolestar venna kol menshe, kay hi kava dives i Moabarya.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

4. Mose 20:18

O baro ray pral o Edom penas ap lende: “Tou djas gar mank miro them! Te veh, vau me pash toute o rhareha.”

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 2:9

Oun o baro Devel penas ap mande: “Kre i menshenge an o them Moab kek čilačepen, oun ma mouk tout an i čingepen lentsa dren! Ma bistrenn, yon hi i menshe, kay venna pal o Lot. Lenge dom o foro Ar oun ko them trouyel, te djivenn le kote. Me kamau tout či lengro themestar te dell.”

5. Mose 23:5

Yon van gar pash t'mende mareha oun panyeha, har hans ap drom dran o them Egiptia. Oun yon playsran love o morsheske Bileam, koleskro dad o Beor his, dran o foro Petor an o them Mesopotamia, te rakrell lo bibarht pral t'mende vin.

5. Mose 25:15

Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:21

Oun dran kova, hoy t'mer kran, vas o baro Devel ninna rhoyedo ap mande, oun das pes sovel, te djap me gar vergel o lengsto pani Yordan, oun te vap gar an ko lačo them, hoy dell t'men t'maro baro Devel, te vell les t'menge.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 9:6

Yaake djinenn kanna, hi gar dran t'maro čačo djipen, te dell t'men t'maro baro Devel kava lačo them, te lenn les t'menge dren. T'mer han menshe i djiyentsa har bar.