5. Mose 19:15 - O Debleskro Lab 2024 (Sinte-Manouche)

¹⁵ Te vell i čilačo koova glan i čačepangre anlo, hi gar doha, te dikas kokres yek morsh kova. Na-a douy te triin hounte penenn, te dikan le koles koy pashel, har lo kava koova kras. Palle nay denn le les i phagi.

O Debleskro Drom 2021 (Sinte)

¹⁵ Te well i tchilatcho koowa glan i tchatchepangre anlo, hi gar doha, te dikas kokres jek mursh kowa. Na-a dui te triin hunte penenn, te dikan le koles koi pashel, har lo kau koowa kras. Palle nai denn le les i phagi.

5. Mose 19:15 ပူးပေါင်းရင်းမြစ်များ

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

4. Mose 35:30

Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

Mateo 18:16

Yob te shounell gar ap toute, palle le douy vavar phralen touha, oun dja pash leste, te shounenn le, hoy tou leske peneh. Yaake djinenn douy, triin, hoy yob kras.

Johanni 7:51

“Pal maro čačepen nay dah kekes i phagi, te shounam gar lestar, hoy yob rakrell pral kova vin. Mer dah ninna kekes i phagi, te djinah gar, hoy yob kras.”

Johanni 8:17

Ninna an o Moseskre lila hi činlo: Te penenn douy pral yekeste vin, yaake hi kova čačo.

2. Korintarja 13:1

Kova hi o triinto kopo, kay vau pash t'mende. Ma bistrenn, hoy činlo hi: Te kamell yek i doosh ap i vavareste pre te čivell, hounte venn douy, triin koy pashel, kay penenn vin, hoy yon djinenna.

5. Mose 17:6

Ap o rakepen douy, triin menshendar, kay kova dikan, venn le moulo dino. Ap o rakepen yekestar kokres, nay vell kek mensho moulo dino.

1. Timoteo 5:19

Ma shoun ap yekeste, kay anell i doosh ap i phoureder pre, te hi gar douy, triin patsle koy, kay penenn kova nay ninna, hoy yob kras.

Hebrearja 10:28

An o phouro tsiro his yaake: Ko mensho hounte meras, kay djivas gar yaake, har an o Moseskre lila činlo hi. Te dikan douy, triin menshe ko čilačo koova, hoy ko mensho kras, hounte meras yob. Oun kekes hounte khaytas yob.