5. Mose 18:18 - O Debleskro Lab 2024 (Sinte-Manouche)

¹⁸ I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

O Debleskro Drom 2021 (Sinte)

¹⁸ I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

5. Mose 18:18 ပူးပေါင်းရင်းမြစ်များ

Debleskri gili 110:4

O baro Devel das pes sovel, oun yob las lat gar pale. Yob penas: “Tou hal rashay hako tsireske, savo har o Melkisedek his.”

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

2. Mose 4:15

Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 51:4

Shounenn ap mande, mire menshe, denn yak ap kova, hoy penau! Me sikrau o drom, hoy te djan. Oun mire čačepaskre laba hi har i momeli, hoy sikrell i menshenge an i tsele themma. hoy čačo hi.

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Hosea 12:14

O baro Devel bičras peskro rakepaskres, te anell lo i Israelitaryen dran o them Egiptia vin. Oun leskro rakepaskro das yak ap lende.

Amos 2:11

T'mare morsh čavendar rodom saven vin, kay van mire rakepangre. Oun t'mare terne morshendar rodom mange morshen vin, kay mange kokres koy hi. T'mer Israelitarya, penenn mange: Hi kova gar yaake? penell o baro Devel.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

4. Mose 12:13

Oun o Mose das ap o baro Debleste gole: “Ah Devel, kre lat sasto!”

4. Mose 23:16

Oun o baro Devel vas pash o Bileam, oun čivas leske o lab an o mouy, oun penas: “Dja pale pash o Balak oun pen yaake.”

4. Mose 23:5

O baro Devel čivas o Bileameske o lab an o mouy oun penas: “Dja pale pale pash o Balak oun pen yaake!”

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

Johanni 1:25

Yon poučan lestar: “Te hal tou gar o Kristo, vitar gar o Eliya, oun vitar gar ko Debleskro rakepaskro, kolestar penlo vas, te vell yob, hoske taufreh tou i menshen?”

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Johanni 12:48

Koon lell man gar pre, oun kamell gar mire laba te shounell, kova lell peskri phagi. Kol laba, hoy me rakrom, denn les i phagi ap ko dives, kay o čačepen pral i tsele menshende vi-rakedo vella.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 17:18

Me bičrau len pash i menshende, yaake har tou man pash i menshende bičral.

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 4:25

Penas i djouvel: “Me djinau, kay vell ko baro ray, kolestar o Devel penas, te vell yob, kay kharell ninna o Kristo. Te vell yob pash mende, penell lo menge halauter.”

Johanni 8:28

Koy penas o Yezous ap lende: “Te hadan t'mer o Menshengro Čaves pral, palle djinenn t'mer, koon me hom, oun kay me či mandar kokres kraua. Hoy o dad mange penas, kova penau me doureder.

Bičepangre 3:22

O Mose penas: I Debleskro rakepaskro har me hom, saves bičrell o Devel pash t'mende. Kova hi yek t'mare menshendar. Shounenn ap hako lab, hoy yob t'menge penella!

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

5. Mose 33:5

Oun o baro Devel vas o ray pral o Yeshourun, har i Israelitarya pengre pralstunentsa khetne van.

5. Mose 34:10

An kek tsiro his an Israel i vavar Debleskro rakepaskro har o Mose, koleha o baro Devel yak an yak rakras.

5. Mose 5:5

Oun me homs mashkral t'mende oun o baro Debleste tardo an ko tsiro, te penap t'menge, hoy lo penas. T'mer daran i yagatar oun djan gar ap i berga pre. Oun o baro Devel penas:

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.