5. Mose 17:20 - O Debleskro Lab 2024 (Sinte-Manouche)

²⁰ Yob hounte krell pes gar bares pral peskre phralende oun hounte djal gar tele o baro Debleskro dromestar, gar ap i čači rig oun gar ap i servi rig kolestar, hoy činlo hi. Palle ačell lo i rah tsiro baro ray an Israel, yob oun leskre morsh čave pal leste.

O Debleskro Drom 2021 (Sinte)

²⁰ Job hunte krell pes gar bares pral peskre phralende un hunte djal gar tele o baro Debleskro dromestar, gar ap i tchatchi rig un gar ap i serwi rig kolestar, hoi tchinlo hi. Palle atchell lo i rah tsiro baro rai an Israel, job un leskre mursh tchawe pal leste.

5. Mose 17:20 ပူးပေါင်းရင်းမြစ်များ

2. Samuel 22:23

Ava, leskro tselo čačepen hi glan mire yaka, oun rikrau ap lauter, hoy yob kamell, te krap.

1. Rajengro liil 11:34

O Davideske, kay mange koy his, krau me kova gar, yaake rah har o Salomo djivell. O Davides rodom vin, oun yob rikras pes ap mire laba oun miro čačepen. Doleske nay ačell o Salomo baro ray peskro tselo djipen.

1. Rajengro liil 11:36

Leskro čaves moukau yek kotar. Yaake hi an hako tsiro i čavo o Davidestar o ray an o foro Yerusalem. Kava foro rodom me mange vin, te djivap kote.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

2. Rajengro liil 10:30

O baro Devel penas ap o Yehou: “Kova, hoy kral ap o Ahabeskro kheer, his mishto an mire yaka. Tou kral ap leste, hoy man an miro dji his. Doleske venna dran tiri familya bare raya yaake rah, bis te star familye yek pal i vavar djivan.”

2. Rajengro liil 14:10

Tou maral i Edomarya an o kourepen. Oun doleske phourdell pes tiro dji pre. Mishto touke, kanna ač khere an tiro kheer! Hoske rodeh tiri bibarht, te peress, oun o them Youda touha?”

2. Familjakro liil 25:19

Tou penal touke: Me marom i Edomarya an o kourepen. Oun doleske phourdell pes tiro dji pre. Oun kanna rodeh boudeder sharepen. Vals feteder touke, te ačals khere. Hoske rodeh tiri bibarht, te peress, oun o them Youda touha?”

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

2. Familjakro liil 33:12

Har lo an bari daar his, mangas lo o ropah o baro Debles, kay leskro Devel oun o Devel leskre phourendar his, oun penas leske, har boud les leskri doosh khaytas.

2. Familjakro liil 33:19

An o liil, hoy i dikepangre činan, hi činlo, har o Manasse o baro Debles mangas, oun har kova les shounas, ninna leskri tseli doosh, oun har lo o baro Debles moukas, oun kay lo moulne platse kras, oun rhorhene deblen pre čivas, ninna koy figura, hoy i Ashera sikras, – kova lauter, hoy lo kras, glan te dikas lo peskri doosh dren glan o baro Debleste.

2. Familjakro liil 33:23

Oun yob sikras gar o baro Debleste, kay les khaytas, hoy yob kras, har leskro dad o Manasse kras. Na-a, yob las gomme boudeder doosh ap peste.

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Debleskri gili 119:102

Me krau pal tire čačepaskre laba. Tou hals miro sikepaskro.

Debleskri gili 132:12

Te rikrenn tire čave ap mande oun mire laba oun krenn, hoy me lenge penau, palle venn ninna lendar bare raya, yaake te vell hako tsiro yek tire čavendar baro ray.

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.

Gosewe laba 27:24

Bravlepen ačell gar, oun i themeskro ray ačell gar ray hako tsiro.

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Habakuk 2:4

Kava hi, hoy hounte činess pre: Kones i pre-phourdo oun i rhorheno dji hi, kova nashrell peskro djipen. Koon an o čačepen tardo hi, kova djivell dran peskro patsepen ap mande.

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

5. Mose 12:25

Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.

5. Mose 12:28

Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

5. Mose 17:11

Ap lengre laba hounte rikrenn t'men, oun kolendar gar tele djan, gar čačes oun vitar gar serves.

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

1. Samuel 10:25

Oun o Samuel penas i menshenge, havo čačepen o baro rayes hi. Oun kova činas lo an i liil, oun čivas les glan o baro Debleste. Palle bičras lo hakenes khere.

1. Samuel 15:23

Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”