5. Mose 17:19 - O Debleskro Lab 2024 (Sinte-Manouche)

¹⁹ Oun kava liil vell palle hako tsireske pash leste. Oun yob draverell hako dives an leste yaake rah, har djivell lo. Yaake te hayvell lo, har te djivell lo peskro baro Debleha, oun dell lo yak ap hako lab an kava liil, oun rikrell pes ap kal čačepaskre laba, oun krell pal lende.

O Debleskro Drom 2021 (Sinte)

¹⁹ Un kau liil well palle hako tsireske pash leste. Un job drawerell hako diwes an leste jaake rah, har djiwell lo. Jaake te haiwell lo, har te djiwell lo peskro baro Debleha, un dell lo jak ap hako lab an kau liil, un rikrell pes ap kal tchatchepaskre laba, un krell pal lende.

5. Mose 17:19 ပူးပေါင်းရင်းမြစ်များ

2. Rajengro liil 22:10

O Shafan penas o baro rayeske ninna: “O rashay Hilkiya das man i liil.” Oun o Shafan draveras ko liil glan o baro rayeste.

Debleskri gili 1:2

Kova hi barhtelo, kay kamell o baro Debleskre laba, oun moukell kol laba peske an o shero trouyel te djal ap o dives oun an i rat.

Johanni 5:39

T'mer rodenn o djipen an o Debleskro lab oun patsenn, kay hatsenn kote ko djipen, hoy gar pre-herella. Oun čačepah, o Debleskro lab rakrell mandar.

5. Mose 11:18

Ma bistrenn kal laba! Čivenn len ap t'mare djia, oun pandenn len troul t'mare moussya oun troul t'maro shero, te bistrenn len gar!

5. Mose 4:10

hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.