5. Mose 17:15 - O Debleskro Lab 2024 (Sinte-Manouche)

¹⁵ palle vell kova o ray, koles t'mer pral t'mende čivenn, koles t'maro baro Devel vin rodell. Mashkral t'mare phralende lenn yekes oun čivenn les pral t'mende, te vell yob t'maro ray. Lenn kekes dran o vi-them, kay gar t'mare phralendar hi.

O Debleskro Drom 2021 (Sinte)

¹⁵ palle well kowa o rai, koles tumer pral tumende tchiwenn, koles tumaro baro Dewel win rodell. Mashkral tumare phralende lenn jekes un tchiwenn les pral tumende, te well job tumaro rai. Lenn kekes dran o wi-them, kai gar tumare phralendar hi.

5. Mose 17:15 ပူးပေါင်းရင်းမြစ်များ

2. Samuel 5:1

Oun pash o Davideste an o foro Hebron van morsha dran i tsele deesh-te-douy bare familye dran Israel, oun penan leske: “Shoun, mer ham tire menshendar, tiro mass oun rat.

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

1. Familjakro liil 12:23

Yaake van hako dives boudeder morsha pash o Davideste, te venn le leske ap i rig, bis te his le boud boud lourde.

1. Familjakro liil 22:10

Kova te krell mange i kheer. Oun yob mou vell miro čavo, oun me kamau leskro dad te vell. Oun me krau, te vell hako tsiro yek leskre čavendar o ray pral Israel.

1. Familjakro liil 28:5

Oun o baro Devel das man boud čave. Mank lende rodas yob miro čaves, o Salomo vin. Koleste das o baro Devel peskro čačo vast, te vell yob baro ray pral Israel.

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”

Debleskri gili 89:20

Glan i rah tsiro rakral tou ap yekeste tire menshendar an i visiona oun penal: “Me dom miro vast i čačo morsheste, te vell lo ap t'mari rig. Me rodom les vin dran mire menshende, te vell lo baro ray.

Jeremia 2:25

Israel, de garda ap tire herya, te nashess len gar doukenes, oun ap tiro mouy, te vell lo gar trouk! Tou peneh: Rike man gar pre! Me kamau kol menshen dran vavar themma, oun hounte nashap lenge palla.

Jeremia 30:21

Oun lengro ray vell dran lende. Ava, lengro pralstouno hi yek lendar. Me moukau les glan mande te vell. Kek nay vell glan mande oun ačell djido, te moukau les gar. Kova penell o baro Devel.

Mateo 22:17

Pen menge kanna: Hi mishto pal maro čačepen, te das mer o themeskre love o baro rayeste an o foro Rom?”

1. Samuel 10:24

Oun o Samuel penas ap i tsele menshende: “Kate dikenn, kones o baro Devel vin rodas. Kek hi yaake har yob mank i tsele Israelitarya.” Koy dan i tsele menshe gole i barhtyatar oun penan: “O baro ray te djivell!”

1. Samuel 16:3

Oun pen ap o Isay, te vell yob pash o rhapen. Kote sikrau tout, hoy tou hounte kress, te makess koles o djeteha, kones toute sikrau!”

1. Samuel 8:5

Oun yon penan ap leste: “Dik, tou val phouro, oun tire čave djan gar o drom yaake har tou les djal. Rode tou i baro rayes vin, koles tou pral mende čiveh! Oun kova vell maro čačepaskro ray, yaake har an i vavar themma ninna hi.”