5. Mose 17:1 - O Debleskro Lab 2024 (Sinte-Manouche)

¹ Tou maress tiro baro Debleske kek groumni, kek bakro oder bouzni, hoy nasselo oder djoungelo hi. Kova vals i čilačo koova glan tiro baro Debleste.

O Debleskro Drom 2021 (Sinte)

¹ Tu maress tiro baro Debleske kek grumni, kek bakro oder busni, hoi nasselo oder djungelo hi. Kowa wals i tchilatcho koowa glan tiro baro Debleste.

5. Mose 17:1 ပူးပေါင်းရင်းမြစ်များ

1. Mose 41:19

Pal lende van efta vavar groumya dran o pani vin. Kolla his gar thoullo. Yon his djoungelo oun sano. An o tselo them Egiptia dikom kek djoungleder groumyen har kolla.

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 20:10

I vaga, hoy gar čačes sikrella, har pharo čomone hi, oun i khoro, kay gar yaake boud dren hi, har penlo vas, kol douy hi i djoungelo koova glan o baro Debleskre yaka.

Gosewe laba 6:16

Shob koova hi, ap kolende dikell o baro Devel rhoyedes; oun i eftato koova hi leske o djoungleder:

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

Maleachi 1:8

Oun anenn mange i firho, hoy korelo, bango oder nasselo hi, oun penenn t'menge: Kova hi kek djoungelo koova. Me penau t'menge: Anenn sau firho t'maro themeskro rayeske, oun dikenn, hoy lo krell! Patsenn t'mer, te dikell lo lačes ap t'mende? Ko penell o baro Devel, ko ray pral o bolepen oun i phoub.

4. Mose 29:8

Ap ko dives rhačrenn o Debleske firhen. Oun o lačo soungepen, hoy djal pre, te venn le tseles rhačedo an i yag, soungella mishto o baro Debleske. Kalla hi kol firhe, hoy hounte rhačrenn: yek terni morsh groumni, yek morsh bakro, efta yek-bershengre bakre, kay gar nasselo hi.

5. Mose 15:21

Te hi čomone djoungelo ap ko firho, te hi les i bangi heri, te hi lo korelo, oder i vavar doosh hi ap leste, palle rhačress les tou gar tiro baro Debleske.

5. Mose 23:18

Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.

5. Mose 25:16

O baro Debleske hi menshe, kay rhorhepen krenn, djoungeles.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.