5. Mose 16:19 - O Debleskro Lab 2024 (Sinte-Manouche)

¹⁹ Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

O Debleskro Drom 2021 (Sinte)

¹⁹ Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 16:19 ပူးပေါင်းရင်းမြစ်များ

Debleskri gili 15:5

Te patsas lo peskre love, lell lo gar boudeder love pale. Ninna te denn le les shoukar koova, anell lo kek rhorhepen ap koleste, kay kek čilačepen kras. Koon yaake djivella, kova hi zoreles tardo an peskro djipen.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 23:2

Ma rike pash kolende, hoy djan ap i čilačo drom, ninna te hi yon boud! Te poučenn toutar i čačepangre, ma pen čomone vavares har o čačepen, ninna te rhorhenn i tsele vavar.

2. Mose 23:3

Pen o čačepen, ninna te hi kova i čorvelo, kay rhorhras.

Gosewe laba 15:27

Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

Gosewe laba 17:23

O čilačo kamell i love, hoy leske čorrhanes dino vell, te rissrell lo o čačepen trouyel.

Gosewe laba 18:5

Hi gar mishto, te dell i čačepaskro morsh koles čačepen, kay i doosh ap peste anas, oun shounell gar ap koleste, kay an o čačepen tardo hi.

Gosewe laba 24:23

Ninna kolla hi laba, hoy i goseve penan: Kova hi gar mishto, te dikenn i čačepangre morsha yekes feteder an har o vavares.

Gosewe laba 24:28

Ma an rhorhepen pre ap i vavareste! Pen o čačepen!

Gosewe laba 31:5

Te piyenn le, nay bistrans le, hoy o Devel lendar kamell, oun dikenn bouder gar koy pre, te lenn i čorvele pengro čačepen.

Sikepaskro 7:7

Ninna o gosevo vell har i dinelo, te moukell lo pes te ginell. Dell yek leste love, te krell lo, hoy gar čačo hi, oun yob lell kol love an, palle nay djal lo bouder gar pal o čačepen.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Ezekiel 18:8

Te patsas lo love vin, lell lo peske gar boudeder love pale. Yob rikrell peskro vast pale, te krell lo kek čilačepen. Oun an i čingepen dell lo yak, te lell hakeno peskro čačepen.

Ezekiel 22:12

Hi save mank t'mende, kay moukan pen te playsrell, te marenn le yekes. Kolen, kay siyaan pash t'mende hi, kolendar lenn t'mer boudeder love pale, har patsan lenge. T'mer krenn t'men braveles ap i vavarende, kolen t'mer rhorhenn oun ap lende zoryah djan. Oun man, o baro Debles, t'maro rayes, bistran t'mer.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

Micha 7:3

Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

Habakuk 1:4

O čačepen nashrell peskri zoor, oun vell bouder gar vin rakedo. Kova hoy i čačepangre morsha penenn, dell i čilačenge čačo oun gar i lačenge. Yaake vell dran o čačepen rhorhepen.

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Bičepangre 16:37

O Paulo penas ap kol klistende: “Mer ham Remarya. T'mare pralstoune moukan men dava te dell glan i tsele menshende. Yon rakran kek čačepen pral mende vin, oun vitsran men an o stilepen. Oun kanna kamenn yon men čorrhanes dran o stilepen vin te anell. Yaake djal kova gar, har yon kamenna. Kolla čačepangre, kay kran kova, kolla hounte venna pash mende oun hounte anenn men dran o stilepen vin. Kova penenn lenge!”

Bičepangre 23:3

Koy penas o Paulo ap leste: “O Devel mou te dell tout! Tou rakreh i menshenge pal o mouy. Tou hal kate beshdo, te rakress o čačepen pral mande vin pal o biboldengro čačepen. Oun tou moukeh man dava te dell. Kova hi gar pal o biboldengro čačepen.”

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

5. Mose 24:17

Te hal tou i čačepaskro, hounte dess tou ninna i vi-themares peskro čačepen, ninna i čaven kolengro dad meras. Oun kol djouvyen, kolengro rom meras. Ma le o ripen i romyatar, kolakro rom meras, te rikress les, bis te yoy peskri siyaan playsras.

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!

5. Mose 27:25

“Praasedo vell kova, kay i vavarestar love lell, te dell lo koleske i vavares moulo, ap koleste kek doosh hi.” Oun i tsele menshe hounte penenn: Amen!

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 8:1

Oun har o Samuel phouro vas, čivas yob peskre morsh čaven an pengri boudi dren, te venn le čačepangre raya pral o Israel.

1. Samuel 8:3

Yon djan gar o drom har lengro dad, oun rodan kova, hoy lenge o feteder his, oun lan čorrhanes love, oun phagan o čačepen.