5. Mose 15:13 - O Debleskro Lab 2024 (Sinte-Manouche)

¹³ Oun te moukeh les te djal, palle hounte djal lo gar vastentsa, kay či dren hi.

O Debleskro Drom 2021 (Sinte)

¹³ Un te mukeh les te djal, palle hunte djal lo gar wastentsa, kai tchi dren hi.

5. Mose 15:13 ပူးပေါင်းရင်းမြစ်များ

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

2. Mose 3:21

Oun daryatar krenn le pengre djia t'menge pre oun denn t'men boud lačo koova peha.

Jeremia 22:13

Bibarht ap koleste, kay krell peskro kheer rhorhepah, oun djal gar pal o čačepen, te krell lo peskro kheer bareder oun shoukeder! Oun moukell peskre boudepangre čičeske te boudrell, oun dell len kek love.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

5. Mose 15:12

Te bikras pes i vavar Israelitari ap toute, – morsh oder djouvel – palle boudrell lo touke shob bersha, oun an o eftato bersh moukess les te djal.

5. Mose 15:14

Tou dess les tire bakrendar, tiro djobestar oun tiri molyatar, halauterestar, hoy tiro baro Devel tout das.

Kolossarja 4:1

T'mer kay han raya, ap t'mende penau: Avenn čačes ap t'mare boudepangre oun djan lentsa mishto trouyel! Ma bistrenn, kay hi t'men ninna i ray an o bolepen!