5. Mose 14:29 - O Debleskro Lab 2024 (Sinte-Manouche)

²⁹ Palle nay venn i Levitarya, kolen kek phoub hi, kay an tiro foro djivenn, ninna i vi-themarya, i čave, kolen kek dad bouder hi, oun i djouvya, kolengro rom meras, oun yon te rhan oun venn čales. Te krenn t'mer yaake, čivell t'maro baro Devel peskri barht ap halauter, hoy krenna.

O Debleskro Drom 2021 (Sinte)

²⁹ Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 14:29 ပူးပေါင်းရင်းမြစ်များ

Debleskri gili 41:1

I gili o rayeske pral i gipangre. O David kras kay gili.

Debleskri gili 41:2

Barhtelo hi kova, kay dell yak ap kolende, kay gar zoreles hi. Ap ko dives, kay les i bibarht taprella, lell o baro Devel les vin.

Debleskri gili 94:6

Kol djouvyen, kolengro rom meras, marenn le, ninna i vi-themaryen, oun kol čaven, kolen kek dad bouder hi, denn le moulo.

Gosewe laba 11:24

Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

3. Mose 19:34

Djan leha yaake trouyel, har te vals lo yek t'mendar! Tou vess yaake lačes ap leste har hal lačes ap toute. T'mer ninna hans vi-themarya an o them Egiptia. Me, o baro Devel, hom t'maro Devel.

4. Mose 18:20

Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

5. Mose 14:27

ninna i Levitarya, kay an tiro foro djivenn; kolen dess tou ninna tiro rhapastar. Yon lan o baro Deblestar kek them oun kek phoub, har tou lal.

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 16:14

rhan oun avenn barhtelo, t'mer oun t'mare čave oun ča, t'mare boudepangre oun i Levitarya oun vi-themarya, kay pash t'mende djivenn, ninna i čave, kolen kek dad bouder hi, oun kol djouvya, kolengro rom meras.

5. Mose 23:21

Yekestar, kay hi dran i vavar them, nay leh tou boudeder, har tou leske patsal, tiro phralestar less tou gar boudeder. Palle nay dell tout tiro baro Devel barht an halauter, hoy tou an-tapreh an ko them, an koleste t'mer venn, te lenn les t'menge dren.

5. Mose 28:8

T'maro baro Devel bičrell t'menge peskri barht ap t'maro djob, te vell t'men boud kolestar an t'mare djobengre khera, oun ap halauter, hoy t'mer krenna. Oun yob dell t'men peskri barht an ko them, hoy lo t'mende dell.

5. Mose 6:11

ninna khera pherdo lačo koova, hoy tou gar khetne lal, oun vi-dine brounne, hoy tou gar dran o bar vin dal, ninna drakengre rouka oun djeteskre rouka, hoy tou gar an i phoub čival. Oun palle, te rhah kolestar lauter oun veh čalo,

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.