5. Mose 12:28 - O Debleskro Lab 2024 (Sinte-Manouche)

²⁸ Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

O Debleskro Drom 2021 (Sinte)

²⁸ Denn jak, te rikrenn mishto lauter dren, hoi penom tumenge. Te djiwenn jaake, hi kowa mishto un latcho glan tumaro baro Debleskre jaka. Un tumenge un tumare tchawenge pal tumende djal mishto hako tsireske.

5. Mose 12:28 ပူးပေါင်းရင်းမြစ်များ

2. Rajengro liil 17:31

kolla dran Ava kran penge i deblen Nibhas oun Tartak; kolla dran Sefarvayim rhačran pengre čave glan pengre deblende, o Adrammelek oun o Anammelek.

2. Familjakro liil 7:17

Oun tou, te djiveh tou glan mande, har tiro dad, o David, glan mande djivas, oun kreh halauter yaake, har me touke penom, oun mire laba rikreh, oun pal miro čačepen djiveh,

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Debleskri gili 105:45

Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!

2. Mose 34:11

Me tradau kol Amorarya, Kanaanitarya, Hetarya, Perisarya, Hivarya oun Yebousarya dran lengro them oun dau les t'mende. Rikrenn kal laba, hoy me penau t'menge kava dives!

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

3. Mose 19:37

Krenn halauter, hoy me t'mendar kamau, oun rikrenn ap miro čačepen! Me hom o baro Devel.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 15:14

Te krenn t'mer, hoy me t'menge penom, han mire mala.

Johanni 15:3

T'mer han djoudjo. Mire laba, hoy penom t'menge, kran t'men djoudjo.

5. Mose 12:25

Te krenn yaake, hi kova mishto glan o baro Debleskre yaka, oun t'menge oun t'mare čavenge pal t'mende djal mishto.

5. Mose 24:8

Te lell yek t'mendar i djoungelo nasslepen ap peskro mass, hoy les pale-čiddo krell, palle denn yak, te krenn halauter yaake, har kol rashaya dran o kheer Levi t'menge penenn. Me penom lenge, hoy te krenn. Oun ap kova hounte rikrenn t'men.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.