5. Mose 12:27 - O Debleskro Lab 2024 (Sinte-Manouche)

²⁷ Kote rhačrenn leske kol firhen, hoy venn tseles rhačedo, lengro mass oun rat. Kol vavarendar, hoy t'mer rhan, čore o rat ap o baro Debleskri rhačepaskri vin.

O Debleskro Drom 2021 (Sinte)

²⁷ Kote chatchrenn leske kol viechen, hoi wenn tseles chatchedo, lengro mass un rat. Kol wawarendar, hoi tumer chan, tchore o rat ap o baro Debleskri chatchepaskri win.

5. Mose 12:27 ပူးပေါင်းရင်းမြစ်များ

Jeremia 7:21

Kova penell o baro Devel, ko ray pral o bolepen oun i phoub, kay hi o Israeleskro Devel: Hoske rhačrenn t'mer firhen mange? Čivenn len pash kol vavarende, hoy rhan t'mer khetne glan mande! Rhan ko tselo mass!

3. Mose 1:5

Palle marell lo kay groumni glan o baro Debleskro kheer. Oun kol rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya. Kay rhačepaskri hi tardo glan o voudar o plarhteno kherestar.

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

3. Mose 17:11

An o rat hi o djipen. Oun me kamau, te vell lo ap i rhačepaskri anlo, te vell i doosh oun o pale-čiddo koova t'mendar krik lino. An o rat hi o djipen. Doleske lau leha i doosh oun o pale-čiddo krik.

3. Mose 3:1

Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

3. Mose 4:30

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.