5. Mose 12:18 - O Debleskro Lab 2024 (Sinte-Manouche)

¹⁸ Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

O Debleskro Drom 2021 (Sinte)

¹⁸ Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

5. Mose 12:18 ပူးပေါင်းရင်းမြစ်များ

Debleskri gili 32:11

T'mer, kay an o čačepen tardo han, avenn barhtelo pral t'maro baro Debleste! Moukenn t'mare djia san oun bashrenn! Denn gole i barhtyatar, t'mer lauter, kay shounenn o tselo djiyeha ap o Debleste.

Debleskri gili 68:3

Yaake har i yagakro dourho krik phourdedo vell, yaake phourdell yob len krik. Yaake har i momeli rhačrell tele oun bouder gar koy hi, yaake venn kol čilače bouder gar diklo glan o Debleste.

Gosewe laba 3:17

O gosvepen anell ap shoukar dromma, kay dell kek čingepen.

Sikepaskro 3:12

Doleske penom mange: Či hi feteder o mensheske, har te djivals lo i shoukar djipen oun hi barhtelo koy pashel.

Sikepaskro 5:18

Te dell o Devel i menshes bravlepen oun lačo kova, te nay rhal lo oun piyella, oun te nay moukell lo peske mishto te djal, oun leskro dji sal pral halauter, hoy leske dran peskri phari boudi vas, palle hi kova čomone, hoy o Deblestar vas.

Jesaja 12:3

Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.

Bičepangre 16:34

Yob las len dren an peskro kheer, das len te rhal oun te piyell, oun his barhtelo peskre tsele menshentsa, kay van yon patslo ap o Debleste.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

5. Mose 12:14

Kokres ap koy platsa, hoy o baro Devel vin rodell an t'maro them, kote anenn kol firhen, hoy kamenn leske te rhačrell, oun kote krenn halauter, hoy me t'menge penau.

5. Mose 12:19

Ma bistrenn i Levitaryen oun denn lende, hoy len hounte vell, yaake rah har an t'maro them djivenn.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 14:23

An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.

5. Mose 15:20

Glan tiro baro Debleste rhas len tou oun tiro tselo kheer hako bersh ap koy platsa, hoy o baro Devel peske vin rodell.

1. Samuel 1:4

Te vas ko dives, kay anas o Elkana i firhes o Debleske, das yob peskri romyat Peninna oun lakre morsh čaven oun čen, hakeneste yek kotar mass.