5. Mose 11:32 - O Debleskro Lab 2024 (Sinte-Manouche)

³² Yaake denn yak ap halauter, hoy o baro Devel t'mendar kamell, oun ap leskre tsele čačepaskre laba, hoy me t'menge kava dives penau. Oun djivenn koy pal!

O Debleskro Drom 2021 (Sinte)

³² Jaake denn jak ap halauter, hoi o baro Dewel tumendar kamell, un ap leskre tsele tchatchepaskre laba, hoi me tumenge kau diwes penau. Un djiwenn koi pal!

5. Mose 11:32 ပူးပေါင်းရင်းမြစ်များ

Debleskri gili 119:6

Te dau yak ap tire laba, krau či te hounte ladjap man.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Johanni 15:14

Te krenn t'mer, hoy me t'menge penom, han mire mala.

5. Mose 11:31

T'mer djan čačepah pral o Yordan, oun venn an ko them dren, te lenn les t'menge dren. Kava them das t'men t'maro baro Devel, te lenn les t'menge dren oun djivenn koy.

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 8:11

Denn t'men yak, te bistrenn gar t'maro baro Debles, yaake te denn gar bouder yak ap leskre laba, oun ap leskro čačepen, oun ap halauter, hoy yob t'mendar kamella, kova hoy me t'menge kava dives penau, te hounte krenn.