5. Mose 11:30 - O Debleskro Lab 2024 (Sinte-Manouche)

³⁰ Kolla hi kol douy berge ap i vavar rig o panyestar Yordan pash ko drom, hoy djal kote, kay o kham tele djal, an o telstouno them, kay o Yordan nashell oun kay i Kanaanitarya djivenn. Kol berge hi gar dour kol bare roukendar pash Gilgal.

O Debleskro Drom 2021 (Sinte)

³⁰ Kolla hi kol dui berge ap i wawar rig o panjestar Jordan pash ko drom, hoi djal kote, kai o kham tele djal, an o telstuno them, kai o Jordan nashell un kai i Kanaanitarja djiwenn. Kol berge hi gar dur kol bare rukendar pash Gilgal.

5. Mose 11:30 ပူးပေါင်းရင်းမြစ်များ

1. Mose 12:6

Oun yob djas doureder an o them oun vas an o foro Sichem pash ko baro rouk More. An ko tsiro djivan i Kanaanitarya an ko them.

Nehemia 12:29

ninna dran Bet-Gilgal oun dran o them troul i forya Geba oun Asmavet.

Josua 4:19

Kova his o deshto dives an o glanstouno čon, har i Israelitarya ap i vavar rig o panyestar Yordan van. Oun yon čivan pengre plarhtene khera pre ap i platsa, hoy kharella Gilgal. Kay platsa hi pash o foro Yericho ap koy rig, kay o kham pre djala.

Josua 5:9

Oun o baro Devel penas ap o Yosua: “Kava dives lom koy ladj t'mendar krik, hoy ap t'mende vas, har van pandle boudepangre an o them Egiptia.” Doleske kharan le koy platsa Gilgal.

Čačepangre 7:1

Oun sik taysarlakro djas o Gideon, kay kharell ninna Yeroub-Baal, peskre tsele lourdentsa, hoy pash leste hi, pash o pani, hoy kharella Harod. Oun kote čivan le pengre plarhtene khera pre. Yaake his i lourde dran o them Midian serves lendar pash koy tikni berga More an o telstouno them.

Čačepangre 9:7

Har shounas o Yotam kova, djas lo pral pre ap i berga Garizim, oun das kotar tele ap lende gole, oun penas: Shounenn ap mande, morshale dran Sichem, te shounell ninna o Devel ap t'mende!