5. Mose 11:24 - O Debleskro Lab 2024 (Sinte-Manouche)

²⁴ Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

O Debleskro Drom 2021 (Sinte)

²⁴ Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 11:24 ပူးပေါင်းရင်းမြစ်များ

2. Familjakro liil 9:26

Oun yob his o baro ray pral i tsele rayende pral i themma mank o baro pani Eufrat oun o them, kay i Filistarya djivan oun bis pash o them Egiptia.

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

Joel 2:20

Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 12:20

Te dell t'maro baro Devel – yaake har lo rakras – t'mende boudeder them, oun t'men hi bok ap mass, palle rhan mass an t'mare gaba oun forya, yaake boud har kamenn!

5. Mose 34:2

oun o tselo them Naftali, oun o tselo them Efrayim oun Manasse, oun o tselo them Youda bis pash o baro pani kote, kay o kham tele djal;

Josua 14:9

Ap ko dives das o Mose pes sovel, oun penas: Ko them, kay tiri heri pre stakras, hi touke oun tire čavenge hako tsireske doleske, kay tou rikral ap o baro Debleste, kay miro Devel hi, oun patsal leske.