5. Mose 10:20 - O Debleskro Lab 2024 (Sinte-Manouche)

²⁰ Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

O Debleskro Drom 2021 (Sinte)

²⁰ Un hunte shunenn ap tumaro baro Debleste un mangenn les kokres an. Rikrenn tumen ap leste kokres. Te denn tumen sowel, denn tumaro sowel pash leskro lab.

5. Mose 10:20 ပူးပေါင်းရင်းမြစ်များ

2. Rajengro liil 18:6

Yob rikras pes ap o baro Debleste oun moukas lestar gar tele, oun rikras pes ap leskre tsele laba, kay o baro Devel o Moseske penas.

Debleskri gili 63:11

Mou dell len o rharo moulo, oun i divye djoukle te rhan len!

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Mateo 4:10

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Louka 4:8

Koy penas o Yezous: “An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy!”

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

5. Mose 11:22

Te krenn t'mer kova lauter, hoy me penom, te hounte krenn, oun kamenn t'maro baro Debles t'maro tselo djiyestar, oun djan ap leskre tsele dromma, oun rikrenn t'men ap leste,

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 4:4

T'mer, kay rikrenn t'men ap t'maro baro Debleste, t'mer halauter djivenn ninna kava dives.

5. Mose 5:11

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

5. Mose 5:29

Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Josua 23:7

Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!

Josua 23:8

O baro Devel hi t'maro Devel. Ap leste rikrenn t'men, yaake har ap leste rikran bis ap kava dives.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”