5. Mose 10:17 - O Debleskro Lab 2024 (Sinte-Manouche)

¹⁷ T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

O Debleskro Drom 2021 (Sinte)

¹⁷ Tumaro baro Dewel hi o Dewel pral hako dewel un o rai pral hako rai. Job hi o baro un o sorelo, kolestar halauter darenn. Job dikell gar koi pre, koon jek hi. Un job lell tchi an, hoi kamell jek les te dell, te rissrell lo o tchatchepen trujel.

5. Mose 10:17 ပူးပေါင်းရင်းမြစ်များ

2. Familjakro liil 19:7

Oun kanna rikrenn o baro Debles glan t'mare yaka, rikrenn t'men ap o čačepen oun denn hakeneste peskro čačepen. Ma bistrenn, pash maro baro Debleste hi kek rhorhepen. Oun yob dikell vitar gar ap kova koon glan leste tardo hi. Oun yob moukell pes gar te ginell.

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

2. Mose 23:8

Te hi yek an o čingepen i vavareha oun kamell tout te ginell, te dess les čačepen, ma le kova, hoy yob kamell tout dell! Koon sau koova an-lell, vell korelo o čačepaske oun dikell bouder gar, koon an o čačepen hi.

Jesaja 37:16

“Baro Devel, tou ray pral o bolepen oun i phoub, tou hal o Israeleskro Devel, oun hal pral i bolepangre beshdo. Tou kokres hal o Devel pral i tsele themma ap kay phoub. Tou kral o bolepen oun i phoub.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 2:45

Kova kamell ko bar te penell, hoy tou dikal, koles kek mensho vitsras. Tou dikal, har vas lo i berga tele oun das koy figura dran saster, lolo saster, phoubyakri čik, roup oun sonakay, an tikne kotya. Yaake moukell tout o baro Devel te djinell, hoy pal kava vella. Oun kay souni penell o čačepen. Oun hoy me penom, hoy kay souni kamell te penell, hi ninna čačo.”

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Markus 12:14

Oun yon van pash leste, oun penan: “Sikepaskro, mer djinah, tou peneh o čačepen, oun rakreh kekeske pal o mouy, ninna te hi les boud penepaske. Ava, tou sikreh mishto i menshende o Debleskro drom. Pen menge, hi mishto pal maro čačepen, te das mer o themeskre love o baro rayeste an o foro Rom? Playssras len? Playssras len gar?”

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Remarja 2:11

O Devel dikell gar ap yekeste, koon yob hi.

Galatarja 2:6

Kol phrala, kay hi pralstoune mank i patslende, kolla penan gar, kay kova, hoy me i menshenge penau, gar čačo hi. Te rakrau kol pralstunendar, hi mange yek, hoy yon his. O Devel dikell gar ap kova, har i mensho an-diklo hi.

Efesarja 6:9

T'mer, kay han raya, ap t'mende penau: Avenn lačes ap kolende, kay t'menge boudrenna! Ma denn len trad! T'mer djinenna: Len hi i ray an o bolepen. Kova hi ninna t'maro ray. Glan leskre yaka hi yek mensho har o vavar.

5. Mose 1:17

Oun dikenn gar koy pre, koon glan t'mende tardo hi! Shounenn i tiknen oun i baren! Ma darenn kekestar! Krenn yaake o čačepen vin, har te krals kova o Devel! Savo koova, hoy t'menge phares hi, kova anenn pash mande, te shounap me kova.”

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.

5. Mose 24:17

Te hal tou i čačepaskro, hounte dess tou ninna i vi-themares peskro čačepen, ninna i čaven kolengro dad meras. Oun kol djouvyen, kolengro rom meras. Ma le o ripen i romyatar, kolakro rom meras, te rikress les, bis te yoy peskri siyaan playsras.

5. Mose 27:25

“Praasedo vell kova, kay i vavarestar love lell, te dell lo koleske i vavares moulo, ap koleste kek doosh hi.” Oun i tsele menshe hounte penenn: Amen!

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

Kolossarja 3:25

Koon o čilačepen krella, kova lell i phagi. Pash o Debleste hi hakeno yaake boud moldo har o vavar.

1. Timoteo 6:15

Yob vella ap o čačo tsiro. Ko tsiro djinell o Devel. Koles sharah mer! Yob kokres hi o baro ray, oun bareder oun zorleder har lauter. Yob hi ko baro ray pral i tsele rayende.

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.