5. Mose 10:12 - O Debleskro Lab 2024 (Sinte-Manouche)

¹² Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

O Debleskro Drom 2021 (Sinte)

¹² Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

5. Mose 10:12 ပူးပေါင်းရင်းမြစ်များ

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

2. Rajengro liil 10:31

O Yehou rikras pes gar peskro tselo djiyestar ap i laba o baro Deblestar, kay o Israeleskro Devel hi. Yob moukas gar kol rhorhene deblen, hoy o Yerobeam kras, oun kolentsa yob i Israelitaryen o Debleskro dromestar tele anas.

2. Rajengro liil 18:3

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

2. Rajengro liil 18:6

Yob rikras pes ap o baro Debleste oun moukas lestar gar tele, oun rikras pes ap leskre tsele laba, kay o baro Devel o Moseske penas.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

2. Familjakro liil 15:12

Oun yon dan pengro lab, te rikrenn le pen ap kova, hoy o baro Devel lengre phourentsa vin kras, te rodenn le les o tselo djiyeha oun i tseli zoryah.

Hiob 36:11

Te shounenn le ap leste, oun krenn, hoy yob lendar kamell, palle djal lenge mishto, oun yon hi barhtelo an kol tsele bersha, hoy glan lende hi.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskri gili 128:1

I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 18:1

I gili o rayeske pral i gipangre. O David, kay o baro Debleskro boudepaskro hi, kras kay gili oun givas lat o baro Debleske ap ko dives, har o baro Devel les vin las dran i vasta lauterendar, kay leske čilačepen kaman, oun ninna dran i vasta o baro rayestar Saul.

Debleskri gili 34:9

Hayvenn oun dikenn har kamles o baro Devel hi! Barhtelo hi kova, kay pes ap leste rikrella.

Debleskri gili 81:13

Yaake moukom len kova te krell, hoy yon kaman, oun moukom len pal pengro shero te djal.

Debleskri gili 81:14

Har kamoms me, te shounans mire menshe ap mande, te djals o Israel ap miro drom!

2. Mose 23:25

Mangenn man, t'maro baro Debles, kokres an! Palle krau, te hi t'men doha maro oun boud pani. Oun me lau hako nasslepen, hoy mashkral t'mende hi, t'mendar krik.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Ezekiel 11:20

Palle krenn le, hoy lendar kamau, oun djivenn pal mire čačepaskre laba. Oun yon hi mire menshe, oun me hom lengro Devel.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Mateo 22:37

Penas o Yezous ap leste: “Tou kamess tiro Debles o tselo djiyestar an tiro tselo djipen, an lauter, hoy tou djineh.

Louka 10:27

Penas ko morsh: “Tou hounte kamess tiro Debles o tselo djiyestar, an tiro tselo djipen, tiri tseli zoryah, oun an lauter, hoy tou djineh. Oun ap i vavar mensheste hounte vess yaake lačes, har hal lačes ap toute kokres.”

Louka 11:42

T'mer Farisarya, hoy t'mer krenna, ko hi gar mishto. T'mer denna o Debleske o deshto kotar t'maro tselo zenlepastar, hoy an t'mari baar hi, oun t'mer bistrenn o čačepen oun o Debleskro kamlepen. Kava hounte krenn, oun ko vavar moukenn gar!

Bičepangre 9:31

I patsle an i themma Youdea, Galilea oun Samaria, kolen his kanna i lačo tsiro, kek las len bouder palla. Oun o Debleskro Dourho kras len zoreles an o patsepen. Oun yon shounan ap o Debleste oun boud oun boudeder menshe van patslo.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

5. Mose 10:11

Oun o baro Devel penas ap mande: “Ste pre! Oun dja glan i menshende vin, te venn le an ko them oun lenn les penge dren, ko them, kolestar man glan lengre phourende sovel dom, te dap les lende.”

5. Mose 10:13

Djib pal leskro lab, oun rike leskre čačepaskre laba, hoy touke kava dives penau. Palle djal touke mishto.

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 26:16

O Mose penas: “Israel, kava dives penell tiro baro Devel touke, te kress halauter, hoy yob toutar kamell, oun djivess pal kol tsele čačepaskre laba. Rike len tiro tselo djiyeha oun tiri tseli zoryah.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 30:20

Kamenn t'maro baro Debles! Shounenn ap leste, oun rikrenn t'men ap leste! Kova hi t'maro djipen. Oun yaake nay djivenn boud bersha an ko them, kolestar o baro Devel pes sovel das glan t'mare phourende, glan o Abraham, o Isaak oun o Yakob, te dell lo les lende.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

5. Mose 5:29

Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

5. Mose 6:24

Oun maro baro Devel penas, te kras kova lauter, hoy yob mendar kamell, oun te rikras les glan mare yaka pash halauter, hoy krah, te djal menge mishto an maro tselo djipen, yaake har kova kava dives ninna hi.

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!

Josua 22:5

Oun denn yak, te rikrenn o Debleskre laba oun djan ap leskro drom, hoy sikras t'men o Mose, koles o baro Debleskro čačo vast his, har penas lo: Kamenn t'maro baro Debles o tselo djiyestar. Djan ap leskre tsele dromma! Djivenn pal leskre laba oun moukenn les gar! Avenn leske koy o tselo djiyestar oun t'mari tseli zoryah!”

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Johanni 2:15

Ma kamenn ko koova, hoy i menshe ap kay phoub kamenna! Ma kamenn ko koova, hoy i menshe ap kay phoub krenna! Te kamell yek ko koova, hoy i menshe ap kay phoub kamenna, kova kamell gar o Debles, maro dades an o bolepen.

1. Johanni 5:5

Ava, kova, kay patsella, kay o Yezous o Debleskro čavo hi, koles hi i zoor pral o čilačo koova, hoy i menshe krenna.

1. Samuel 12:20

O Samuel penas ap lende: “Ma darenn! Hi čačo, te kran t'mer kava tselo čilačepen; kanna shounenn ap o baro Debleste oun djan leskro drom t'maro tselo djiyeha!