4. Mose 9:15 - O Debleskro Lab 2024 (Sinte-Manouche)

¹⁵ Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

O Debleskro Drom 2021 (Sinte)

¹⁵ Un ap ko diwes, kai was o Debleskro kheer pre-tchiddo, ko kheer, kai o Debleskre deesh laba dren hi, was i wolka tele pral o kheer. Un an i rati his i jag an late.

4. Mose 9:15 ပူးပေါင်းရင်းမြစ်များ

Nehemia 9:12

Oun tou sikral len o drom. Ap o dives djas i folka glan lende, oun i rati i yag, te vell len i momeli ap o drom, koles yon hounte djan.

Nehemia 9:19

Tou moukal len gar kokres, kote an o moulo them. Yaake baro his tiro kamlepen lenge. Koy bari folka ačas ap o dives, te sikrell li o drom, koles yon hounte djan. Oun i yag ačas an i rat, te vell len i momeli ap o drom, koles yon djan.

Debleskri gili 105:39

O baro Devel khatras peskre menshen tel i folka, oun rati sikras len i yag o drom.

Debleskri gili 78:14

Ap o dives djas lo glan lende an i folka, oun rati an i yag, te vas len i momeli.

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 13:22

Oun koy folka djas peske gar, oun ačas glan lende ap o dives. Oun koy yag djas peske gar lendar an i rat.

2. Mose 14:24

Sik taysarlakro, har o kham gomme gar pre djas, dikas o baro Devel dran koy yagakri folka tele ap i tsele Egiptikre lourdende oun čivas i daar ap lende.

2. Mose 40:2

Čip o Debleskro plarhteno kheer pre ap o ersto dives an o ersto čon.

2. Mose 40:34

Koy vas i folka ap o Debleskro plarhteno kheer. Oun o kheer vas pherdo raylepen o baro Deblestar.

2. Mose 40:35

Oun har i folka pral o kheer ačas oun o kheer pherdo raylepen o baro Deblestar his, nay djas o Mose gar dren.

2. Mose 40:38

Oun i tsele Israelitarya dikan koy folka. Ap o dives his li pral o Debleskro kheer, ap i rat his li pherdi yag yaake rah har i Israelitarya ap o drom his.

Jesaja 4:5

Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

4. Mose 10:34

Oun ap o dives, har djan le doureder, his o baro Debleskri folka pral lende.

4. Mose 14:14

penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag.

4. Mose 17:7

Oun har kol tsele menshe troul o Mose oun o Aron tardo his, dikan yon pash o Debleskro plarhteno kheer. Oun ap yek kopo vas koy folka pral o kheer. Oun o baro Debleskro raylepen vas diklo.

1. Korintarja 10:1

Mire phrala, ma bistrenn, har djas mare phourenge, har djan yon an o moulo them. I folka djas glan lende lauterende oun sikras lende, kay o Devel pash lende his. Oun yon halauter djan o Moseste palla mashkral o baro pani ap i vavar rig. Mer nay penams: Har van yon an i folka oun an o baro pani, van le ap o Moseskro lab taufedo.

5. Mose 1:33

koles, kay o tselo drom glan t'mende djas, te sikrell lo t'mende i platsa, kay nay čivenn t'men tele, Yob sikras t'menge o drom rati an i yag, oun pral o dives an i folka.