4. Mose 6:27 - O Debleskro Lab 2024 (Sinte-Manouche)

²⁷ T'mer te rakrenn yaake miro lab pral i Israelitarya vin, dau me len barht oun zoor.”

O Debleskro Drom 2021 (Sinte)

²⁷ Tumer te rakrenn jaake miro lab pral i Israelitarja win, dau me len bacht un soor.”

4. Mose 6:27 ပူးပေါင်းရင်းမြစ်များ

1. Mose 32:26

Har ko morsh dikas, kay nashte vitsrell lo gar o Yakobes ap i phoub an kava kourepen, das lo les ap o kokalo ap leskri rig. Oun ko kokalo djas vin kote, kay lo dren his.

1. Mose 32:29

Penas ko morsh: “Tiro lab hi bouder gar Yakob. Kanna vell tiro lab Israel. Tou koural tout o Debleha oun i menshentsa. Oun tou hals zorleder har yon.”

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

Debleskri gili 5:12

Barhtele venn kolla, kay khatrenn pen pash toute! Kolla denn gole i barhtyatar o tselo tsiro. Tou rikreh tiro vast pral lende. Doleske sanenn oun givenn le – kolla, kay tiro lab kamenna.

Debleskri gili 67:7

I phoub moukas lačo rhapen bares te vell; o Devel, maro Devel das men barht.

2. Mose 6:3

oun sikrom man o Abrahameste oun o Isaakeste oun o Yakobeste. Har vom pash lende, sikrom lende, kay hom o zorelo Devel. Miro lab baro Devel, moukom len gar te djinell.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jeremia 14:9

Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

4. Mose 23:20

Shoun, yob penas mange te rakrap i barht pral kol menshende vin. Yob čivas i barht pral lende. Oun me nay krau či vavares.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

5. Mose 28:10

Palle dikenn le an i tsele themma ap i phoub, te han o baro Debleskre vi-rodede menshe, oun yon darenn t'mendar.