4. Mose 6:2 - O Debleskro Lab 2024 (Sinte-Manouche)

² Pen ap i Israelitarya: Te dell yek pes sovel, – nay vell i morsh, ninna i djouvel, – oun penell o baro Debleske, te vell lo leske i tsireske koy,

O Debleskro Drom 2021 (Sinte)

² Pen ap i Israelitarja: Te dell jek pes sowel, – nai well i mursh, ninna i djuwel, – un penell o baro Debleske, te well lo leske i tsireske koi,

4. Mose 6:2 ပူးပေါင်းရင်းမြစ်များ

2. Mose 33:16

Tou te djah mentsa, palle hayvell hakeno, te dikeh lačes ap mande oun ap kal menshende. Yaake sikreh i tsele vavar menshende ap kay phoub, te ham kouč touke.”

Gosewe laba 18:1

Koon pes i vavarendar krik rikrella, rodell, hoy peske kokres shoukar hi, oun kamell gar dren te dikell, hoy lačo leske vals.

Jeremia 35:6

Yon penan: Mer piyah kek mool; maro dad, o Yonadab, koleskro dad o Rekab his, penas menge zoreles: T'mer oun t'mare čave kay pal t'mende venna, hounte piyenn an kek tsiro mool,

3. Mose 20:26

Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

3. Mose 27:2

Pen ap i Israelitarya: Te das yek pes sovel, te dell lo man, o baro Debleste, i menshes, palle nay ginell lo koles pale vin.

4. Mose 30:3

Te penell yek ap o baro Debleste: “Me dau miro lab, te krap kava te kova” oder čivell glan leste i sovel tele, palle hounte phagell yob gar peskro lab oun hounte krell halauter, hoy yob penas.

4. Mose 6:1

Oun o baro Devel rakras o Moseha oun penas:

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

Hebrearja 7:27

Yob hi gar har kol vavar bare rashaya, oun hounte anell gar hako dives i maredo firhes o Debleske, te vell peskri doosh krik lino. Ninna hounte anell lo gar i vavar menshenge marede firhen o Debleske, te vell lengri doosh krik lino. Na-a, yob kokres das peskro djipen an o merepen yek kopo hako tsireske.

Čačepangre 13:14

Lauterestar, hoy ap o drakengro rouk bares vas, rhal li či. Oun mool oun zorelo pipen piyell yoy gar. Oun pale-čiddo rhapen rhal li gar. Kava lauter, hoy lake penom, hounte rikrell li.”

Čačepangre 13:4

De yak, oun ma pi mool, vitar kek vavar zorelo pipen! Oun ma rha čomone, hoy pale-čiddo hi!

Čačepangre 13:5

Ko čaves, kay leh, vell i morsh, kay o Debleske hi peskro tselo djipen foun ko dives, kay vell lo ap i phoub. Leskre balla venn gar činlo. Oun yob lell o Israel vin dran i vasta i Filistarendar.”

Čačepangre 16:17

Oun yob penas lake lauter, hoy an leskro dji hi, oun penas ap late: “An ko tselo tsiro, kay me djivau, van mire balla gar činlo. Yaake rah har boldo vom, hom me o Debleske dino. Te činell yek mire balla tele, palle djal i zoor mandar krik, oun me vau yaake har hako vavar morsh ninna.”

1. Samuel 1:28

Doleske dau les me kanna ninna o baro Debleste pale, te vell lo leskro, yaake rah har yob djivella.” Oun yon mangan kote o baro Debles an.