4. Mose 5:29 - O Debleskro Lab 2024 (Sinte-Manouche)

^29-30 Yaake hounte krenn t'mer kova, te zilverell i morsh oun patsell, te rhorhras les peskri romni i vavareha. Yob hounte anell lat glan o baro Debleste. Oun ko rashay hounte krell lah kova yaake har kate penlo hi.

O Debleskro Drom 2021 (Sinte)

^29-30 Jaake hunte krenn tumer kowa, te silwerell i mursh un patsell, te chochras les peskri romni i wawareha. Job hunte anell lat glan o baro Debleste. Un ko rashai hunte krell lah kowa jaake har kate penlo hi.

4. Mose 5:29 ပူးပေါင်းရင်းမြစ်များ

Ezekiel 33:26

T'mare rharentsa lenn t'menge, hoy kamenn, oun krenn, hoy djoungelo hi glan mire yaka, oun ko yek sovell i romyah o vavarestar. Patsenn čačepah, ko them hi t'maro?

3. Mose 11:46

Kava hi hoy glan činlo hi pral i firhende oun pral i čirklende oun pral halauter, hoy djivell an o pani, oun pral kol firhende, kay djan ap o per oder ap tikne herya pral i phoub.

3. Mose 13:59

Yaake hounte vell kerdo, te sikrell pes i djoungelo kotar ap i ripen oder ap koola, hoy hi dran bakrengre balla, layna oder ledera, te vell siklo, hi le pale-čiddo oder gar.

3. Mose 7:11

Oun yaake hounte vell kerdo ko firheha, hoy vell glan o baro Debleste anlo, te rhan les i menshe palle khetne.

4. Mose 5:12

Pen kol Israelenge: Nay vell, te rhorhell i djouvel peskro romes i vavar morsheha, oun lakro rom djinell kova gar, oun kek dikas, te anas li i ladj ap peste oun tapras lat koy pashel,

4. Mose 5:15

Palle hounte anell ko morsh lat pash o rashayeste, oun anell o Debleske yek kilogrammi yarro. Oun yob hounte čorell kek djet pral pre, oun dell vitar kek soungepaskro koova koy pashel. Ko yarro dell lo o Debleste, te vell o čačepen vin, te djinenn le: rhorhras li les, – rhorhras li les gar.

4. Mose 5:19

Oun yob dell koy djouvyat trad oun penell ap late: “Te his kek morsh pash toute čiddo oun rhorhral tiro romes gar i vavareha, te anal ladj ap toute, palle nay piyeh ko djoungelo nasselo pani, oun tou veh gar nasselo.

4. Mose 5:28

Te anas savi djouvel gar ladj ap peste, oun kek doosh hi ap late, palle vell yoy gar nasselo, oun nay vell an vavar koova.