4. Mose 4:46 - O Debleskro Lab 2024 (Sinte-Manouche)

^46-48 Khetne his kol tsele Levitarya 8.580 (orhta-zerya-panč-sheel-orhta-deesh) morsha. O Mose oun o Aron khetne kol pralstunentsa an Israel činan lengre laba an i liil, oun činan ninna pre, dran havi familya hakeno vas oun koon leskro dad his. Kolla halauter his mank triyanda oun paash-sheel bersh phouro, oun nay van boudepaske ap o Debleskro kheer oun hidjran pharo koova.

O Debleskro Drom 2021 (Sinte)

^46-48 Khetne his kol tsele Levitarja 8.580 (ochta-serja-pantch-sheel-ochta-deesh) mursha. O Mose un o Aron khetne kol pralstunentsa an Israel tchinan lengre laba an i liil, un tchinan ninna pre, dran hawi familja hakeno was un koon leskro dad his. Kolla halauter his mank trijanda un paash-sheel bersh phuro, un nai wan budepaske ap o Debleskro kheer un hidjran pharo koowa.

4. Mose 4:46 ပူးပေါင်းရင်းမြစ်များ

1. Familjakro liil 23:3

Oun yob moukas pal te dikell, har boud morsha mank i Levitaryen his, kay hi triyanda bersha oun phoureder. Oun kolla his khetne 38.000 (triyanda-te-orhta zerya) morsha.

2. Familjakro liil 31:17

Oun i laba i rashayendar his an i liil činlo pal pengre dadengre khera. Oun i Levitarya his ninna an lila dren činlo, hakeno kay biish bersh oun phoureder his. Yon van yaake dren činlo, har yon pengri boudjake khetne čiddo van.

4. Mose 4:45

Yaake boud morsha his kol Merarya, kolengre laba o Mose oun o Aron an i liil činan, yaake har o baro Devel kova o Moseske penas, te krenn le.