4. Mose 4:32 - O Debleskro Lab 2024 (Sinte-Manouche)

³² ninna kol pesse kashta, hoy venn pre tardo troul koy glanstouni platsa, lengre pire oun kol tikne sasterne kotya, kay deh an i phoub, kol shelle oun ko tselo vavar koova, yaake har kova lengre boudi hi. Oun t'mer hounte sikrenn lende hako kotar, hoy hidjrenn le.

O Debleskro Drom 2021 (Sinte)

³² ninna kol pesse kashta, hoi wenn pre tardo trul koi glanstuni platsa, lengre pire un kol tikne sasterne kotja, kai deh an i phub, kol shelle un ko tselo wawar koowa, jaake har kowa lengre budi hi. Un tumer hunte sikrenn lende hako kotar, hoi hidjrenn le.

4. Mose 4:32 ပူးပေါင်းရင်းမြစ်များ

1. Familjakro liil 9:29

Oun vavar lendar dan garda ap o yarro oun ap i mool oun o djet oun o soungepaskro koova.

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

2. Mose 27:9

Glan o Debleskro kheer kress tou i platsa. Troul koy platsa pandess tou layntikre kotya dran lačo zorelo than mank pesse kashta, hoy tardo hi ap lole sasterne herya. I rikepangre oun kol shelle, hoy rikrenn i layntikre kotya, kress tou dran roup. I platsa vell ap koy rig, kay o kham pralstounes hi, 50 (paash-sheel) metarya lengsto. Kote venn kol layntikre kotya ap biish pesse kashta rikedo, hoy ap biish sasterne herya tardo hi.

2. Mose 38:17

Oun i herya tel kol pesse kashta his dran lolo saster. Oun i rikepangre oun shelle, hoy rikrenn i layntikre kotya, his dran roup. Oun i pesse kashta, len his shere, kay roup troul čiddo his.

2. Mose 38:21

O Bezalel, – leskro dad his o Ouri oun leskro papo o Hour, dran o kheer Youda – yob kras koy tseli boudi yaake, har o baro Devel kova o Moseske penas. Oun o Oholiab, – leskro dad hi o Ahisamak, dran o kheer Dan – yob vas leske pash o vast. Oun peskre vastentsa kras lo shoukar koova dran lolo saster, sonakay, roup oun kasht. Ninna hayvas lo mishto lačo layntikro than te krell, oun sivas shoukar koova dran kouč bakrengro bal dren, hoy blaueto, lolo oun lolo har yag his. O Mose penas ap o Itamar, ko čavo o rashayestar Aron: “Pen ap i Levitarya, te činenn le lauter an i liil, hoy i Israelitarya khetne čivan, te krenn le o Debleskro kheer, – ko kheer, kay o Debleskre deesh laba dren hi.”

4. Mose 3:36

Oun lengre boudi hi, te denn le garda ap kol kotya, dran kolende o kheer kerdo vell: i činle kashta, i pandepaskre kashta, i pesse kashta oun lengre pire, ap kolende yon tardo venna, ninna o tselo vavar koova, hoy koy pashel hi.

4. Mose 3:8

Oun yon hounte denn yak ap o tselo koova an o Debleskro kheer. Oun yaake krenn yon koy boudi, hoy i tsele Israelitarya hounte krans mange.

4. Mose 4:31

Kaya hi lengre boudi ap o Debleskro kheer: Yon hidjrenna kol činle kashta, hoy venn pre tardo, te krenn le o kheer, lengre pandepangre kashta, oun kol pesse kashta, hoy venn pre tardo, te hidjrenn le o kheer, ninna lengre pire,

4. Mose 4:33

Kaya hi koy boudi, hoy i Merarya hounte krenna ap o Debleskro kheer. Oun o Itamar, ko čavo o rashayestar Aron, hi o pralstouno pral lende.

4. Mose 4:49

Hakeno las peskri boudi oun leske vas penlo, havo koova yob hounte hidjrell. Kova halauter vas yaake har o baro Devel kova o Moseske penas, te krenn yon.

4. Mose 7:1

Oun har o Mose o Debleskro plarhteno kheer pre čivas, makas lo les o djeteha o Debleske. Ninna ko tselo koova, hoy koy dren hi, ninna o Debleskri rhačepaskri oun halauter, hoy pashel hi, makas yob o djeteha o Debleske.

4. Mose 7:8

Oun star vourdya oun orhta groumya das yob kolen, kay van pal o Merari, te nay hidjrenn yon pengre kotya. Oun o Itamar, ko čavo o rashayestar Aron, das garda ap halauter.