4. Mose 4:28 - O Debleskro Lab 2024 (Sinte-Manouche)

²⁸ Kaya hi koy boudi, hoy krenna i Gershonarya ap o Debleskro kheer. Oun o Itamar, ko čavo o rashayestar Aron hi o pralstouno pral lende.

O Debleskro Drom 2021 (Sinte)

²⁸ Kaja hi koi budi, hoi krenna i Gershonarja ap o Debleskro kheer. Un o Itamar, ko tchawo o rashajestar Aron hi o pralstuno pral lende.

4. Mose 4:28 ပူးပေါင်းရင်းမြစ်များ

2. Mose 38:21

O Bezalel, – leskro dad his o Ouri oun leskro papo o Hour, dran o kheer Youda – yob kras koy tseli boudi yaake, har o baro Devel kova o Moseske penas. Oun o Oholiab, – leskro dad hi o Ahisamak, dran o kheer Dan – yob vas leske pash o vast. Oun peskre vastentsa kras lo shoukar koova dran lolo saster, sonakay, roup oun kasht. Ninna hayvas lo mishto lačo layntikro than te krell, oun sivas shoukar koova dran kouč bakrengro bal dren, hoy blaueto, lolo oun lolo har yag his. O Mose penas ap o Itamar, ko čavo o rashayestar Aron: “Pen ap i Levitarya, te činenn le lauter an i liil, hoy i Israelitarya khetne čivan, te krenn le o Debleskro kheer, – ko kheer, kay o Debleskre deesh laba dren hi.”

4. Mose 4:27

O Aron oun leskre čave hounte penenn lenge, hoy te hidjrenn le. Oun t'mer hounte denn garda, te krenn yon pengri boudi mishto.

4. Mose 4:29

Čin ninna i laba kol morshendar an i liil, kay venna pal o Merari! Oun čin pre dran havi familya hakeno vella, oun koon leskro dad hi.

4. Mose 4:33

Kaya hi koy boudi, hoy i Merarya hounte krenna ap o Debleskro kheer. Oun o Itamar, ko čavo o rashayestar Aron, hi o pralstouno pral lende.

4. Mose 7:7

Douy vourdya oun star groumya das yob kolen, kay van pal o Gershon, te nay hidjrenn le pengre kotya.