4. Mose 36:2 - O Debleskro Lab 2024 (Sinte-Manouche)

² oun penan: “O baro Devel penas touke, maro rayeske, te vell ko them i Israelitaryen yaake dino, har i barhtyakre barra sikrenn, te vell kova lenge. Ninna penas lo touke, te dess ko them, hoy maro phrales, o Selofades his, leskre čende.

O Debleskro Drom 2021 (Sinte)

² un penan: “O baro Dewel penas tuke, maro rajeske, te well ko them i Israelitarjen jaake dino, har i bachtjakre barra sikrenn, te well kowa lenge. Ninna penas lo tuke, te dess ko them, hoi maro phrales, o Zelofhades his, leskre tchende.

4. Mose 36:2 ပူးပေါင်းရင်းမြစ်များ

Hiob 42:15

Oun an o tselo them his kek djouvya yaake shoukar har o Hiobeskre ča. Oun lengro dad das len ninna dran leskro bravlepen yaake har lengre phralen, te lenn le kova pal leskro merepen.

4. Mose 33:54

Oun t'mer hounte denn hakenes i kotar them. Vitsrenn i barhtyakre barra, te hatsenn vin, have menshe havo kotar them lenna. Kal familyen, kolen boud menshe hi, hounte denn boud them. Oun kol familyen, kolen gar boud menshe hi, hounte denn gar yaake boud.

4. Mose 36:3

Te romedinerell yek kol menshendar Israel i čat o morshestar Selofad, vell lakro them pash ko them kol menshendar lakro romestar. Oun ko them mare phourendar vell tikneder.

Josua 13:6

oun o pralstouno them mank i berge Libanon oun o foro Misrefot-Mayim. Kol tsele Sidonarya, kay kote djivenn, kolen tradau me vin glan kol Israelitaryen. Vitse tou kol barra, hoy sikrenn, have Israelitarya havo kotar them lenna, yaake har me touke penom, te kress kova.