4. Mose 35:30 - O Debleskro Lab 2024 (Sinte-Manouche)

³⁰ Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

O Debleskro Drom 2021 (Sinte)

³⁰ Koon i menshes mulo das, koles hunte denn mulo, te hi menshe koi, kai dikan un penan kowa. Hi gar doha, te penell jek mensho kokres, hoi lo dikas, jaake te well ko wawar maredo.

4. Mose 35:30 ပူးပေါင်းရင်းမြစ်များ

2. Mose 21:12

Kova, kay dell i menshes yaake phares, te merell lo, kova hounte merell.

3. Mose 24:17

Koon i menshes moulo dell, hounte vell moulo dino.

4. Mose 35:16

Te das yek i vavares mit i kotar saster yaake, te merell yob, hi lo i marepaskro oun hounte vell moulo dino.

4. Mose 35:31

Te das yob čačepah yekes moulo, nay ginell lo pes gar vin. T'mer hounte lenn kek love lestar, vitar gar leskre menshendar. Maredo hounte vell lo.

Mateo 18:16

Yob te shounell gar ap toute, palle le douy vavar phralen touha, oun dja pash leste, te shounenn le, hoy tou leske peneh. Yaake djinenn douy, triin, hoy yob kras.

Johanni 7:51

“Pal maro čačepen nay dah kekes i phagi, te shounam gar lestar, hoy yob rakrell pral kova vin. Mer dah ninna kekes i phagi, te djinah gar, hoy yob kras.”

2. Korintarja 13:1

Kova hi o triinto kopo, kay vau pash t'mende. Ma bistrenn, hoy činlo hi: Te kamell yek i doosh ap i vavareste pre te čivell, hounte venn douy, triin koy pashel, kay penenn vin, hoy yon djinenna.

5. Mose 19:15

Te vell i čilačo koova glan i čačepangre anlo, hi gar doha, te dikas kokres yek morsh kova. Na-a douy te triin hounte penenn, te dikan le koles koy pashel, har lo kava koova kras. Palle nay denn le les i phagi.

5. Mose 27:24

“Praasedo vell kova, kay i vavares čorrhanes moulo dell!” Oun i tsele menshe hounte penenn: Amen!

1. Timoteo 5:19

Ma shoun ap yekeste, kay anell i doosh ap i phoureder pre, te hi gar douy, triin patsle koy, kay penenn kova nay ninna, hoy yob kras.

Hebrearja 10:28

An o phouro tsiro his yaake: Ko mensho hounte meras, kay djivas gar yaake, har an o Moseskre lila činlo hi. Te dikan douy, triin menshe ko čilačo koova, hoy ko mensho kras, hounte meras yob. Oun kekes hounte khaytas yob.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”