4. Mose 35:3 - O Debleskro Lab 2024 (Sinte-Manouche)

³ te hi len forya, kay djivenn le oun them lengre firhenge, kay lengre groumya, bakre oun vavar firhe nay rhana.

O Debleskro Drom 2021 (Sinte)

³ te hi len forja, kai djiwenn le un them lengre viechenge, kai lengre grumja, bakre un wawar vieche nai chana.

4. Mose 35:3 ပူးပေါင်းရင်းမြစ်များ

2. Familjakro liil 11:14

I Levitarya moukan pengre forya oun halauter, hoy len his, oun van an o them Youda oun an o foro Yerusalem. An o them Israel moukas len o Yerobeam oun leskre morsh čave bouder gar rashaya te ačell, kay boudrenn o baro Debleske.

Ezekiel 45:2

Foun kava kotar them, lenn i paash, kova hi 12,5 (deesh-te-douy-te-paash) kilometarya lengsto oun 5 (panč) kilometarya bourhlo. Lestar vell i kotar phoub lino o Debleskro khereske: 250 (douy-sheel-te-paash-sheel) metarya lengsto oun 250 (douy-sheel-te-paash-sheel) metarya bourhlo, oun troul leste i platsa trouyel, hoy hi 25 (biish-te-panč) metarya bourhlo. Oun kote vell o Debleskro kheer tardo, kay ninna o Debleskri kouč isema dren hi.

4. Mose 35:2

Pen ap kol Israelende: T'mer lenna them oun forya. Denn kol foryendar ninna forya kolende dran o kheer Levi, kay yon nay djivenn. Denn lende ninna them lengre firhenge, ko themestar, hoy troul kol forya hi,

4. Mose 35:4

Ko them i firhenge, hoy glan kol forya hi, hoy t'mer kol Levitaryen denna, hounte djal vin o forestar 500 metarya an hake star rigya, yaake te vell i platsa, kay haki rig 1.000 yek zero metarya baro hi, oun o foro hi mashkral dren.

5. Mose 18:6

Te kamell i Levitari ko foro te moukell, kay djivell lo an Israel, oun kamell ap koy platsa te djal, hoy o baro Devel peske vi-rodell,

Josua 21:11

Kiryat-Arba, hoy his kharedo pal o morsheste Arba, kolestar i Anakarya venn, oun i phoub troul o foro trouyel, kay i firhe nay rhan; kava foro hi kanna Hebron oun hi čiddo an i berge Youda.