4. Mose 35:22 - O Debleskro Lab 2024 (Sinte-Manouche)

²² Hi vavarčandes yekeha, kay das yekes i ladini oun kamas kova gar, oun les hi kek rholi ap leste, oder vitsras čomone ap leste, oun kras kova gar bisemake,

O Debleskro Drom 2021 (Sinte)

²² Hi wawartchandes jekeha, kai das jekes i ladini un kamas kowa gar, un les hi kek choli ap leste, oder witsras tchomone ap leste, un kras kowa gar bisemake,

4. Mose 35:22 ပူးပေါင်းရင်းမြစ်များ

2. Mose 21:13

Te kamas lo les gar temerl te dell, oun o Devel moukas, te vas kova yaake, palle nay nashell lo an i foro, hoy o baro Devel vi-rodas save menshenge.

4. Mose 35:11

hounte rodenn t'mer forya vin, kay nay hakeno dren djala, kay naashepaskro hi, oun yekes moulo das, oun kamas kova gar.

4. Mose 35:20

Te das yek i vavares dran rholi i ladini oder vitsras čorrhanes čomone ap leste, te meras kova,

4. Mose 35:21

oder te das yob les dran rholi o vasteha yaake, te meras kova, palle hounte vell kova, kay das les, maredo. Yob hi i marepaskro. Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

4. Mose 35:23

oder vitsras i bar ap leste, kay nay merell koy pre, oun yob dikas kova gar, oun ko vavar merell, oun les his kek rholi ap leste oun kamas les kek čilačepen te krell.

5. Mose 19:5

Kova nay vas yaake: Douy morsha djan an o veesh, te denn le kasht tele, oun ko yek hadell peskro vast, an koya i tover hi, oun lell vin, te dell an o kasht, oun o saster phagell tele oun djal an koleste, kay pashel hi, oun kova merella. Savo nay nashell an sau foro oun ačell djido.

Josua 20:3

Kote nay nashell yek, kay das i vavares moulo oun kamas kova gar, oun les kek doosh koy pre his. Kal forya hi saveske, kay hounte khatrell pes kolestar, kay kamell o rat ko maredo menshestar ap o marepaskro pale te anell.

Josua 20:5

Oun te lell les kova palla, kay kamell les moulo te dell, palle denn kol morsha dran ko foro koles, kay yekes temerl das, gar vin an koleskro vast. Ninna te das yob yekes moulo, kamas lo kova gar, oun his gar rhoyedo ap leste.