4. Mose 35:20 - O Debleskro Lab 2024 (Sinte-Manouche)

²⁰ Te das yek i vavares dran rholi i ladini oder vitsras čorrhanes čomone ap leste, te meras kova,

O Debleskro Drom 2021 (Sinte)

²⁰ Te das jek i wawares dran choli i ladini oder witsras tchorchanes tchomone ap leste, te meras kowa,

4. Mose 35:20 ပူးပေါင်းရင်းမြစ်များ

1. Mose 4:5

Ap o Kayn dikas yob gar lačes, vitar gar ap kova, hoy yob rhačras o Debleske. Koy las o Kayn i bari rholi oun dikas rhoyedo tele ap i phoub.

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

2. Samuel 13:22

O Absalom rakras gar peskro phraleha, o Amnon, gar čilačes, vitar gar lačes, yaake midjak his lo ap leste, doleske, kay yob ap leskri phenyate bari ladj anas.

2. Samuel 20:10

O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

Debleskri gili 11:2

Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste.

2. Mose 21:14

Te das lo les čorrhanes oun an o čilačepen temerl, dell kek platsa, kay ačell lo nay djido, vitar gar, te nashell lo an o Debleskro kheer pash o Debleskri sasterni rhačepaskri. Lenn les kotar krik oun denn les temerl!

Gosewe laba 26:24

I midjak mensho hi pherdo rhorhepen. Kova khatrell lo pal shoukar laba.

Gosewe laba 28:17

I mensho, kay i vavares moulo das, kova ačell ap o naashepen, yaake rah har djivell lo. Kek te rikrell les pre!

4. Mose 35:19

Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

4. Mose 35:21

oder te das yob les dran rholi o vasteha yaake, te meras kova, palle hounte vell kova, kay das les, maredo. Yob hi i marepaskro. Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

Markus 6:19

Oun i Herodia his rhoyedo ap o Yohanneste oun kamas les te marell, oun yoy kras les nashte gar.

Louka 4:29

Yon stan pre, oun tradan les dran o foro vin, anan les pral ap i berga, kay lengro foro pre tardo hi, te vitsrenn le les tele.

Bičepangre 20:3

Har yob triin čon an kava them his, kamas lo ap o shiffo an o them Syria te oulerell. Koy shounas lo, kay kamenn i bibolde les te marell. Doleske djas lo pale pale an o them Macedonia.

Bičepangre 23:21

Tou patsess len gar. Boudeder har star-deesh morsha lourenn ap leste ap o drom. Kolla dan pen sovel, te rhan le či, te piyenn le či, bis te maran le les. Yon hi koy khatedo te nay marenn le les yaake sik, har tou moukeh les vin te anell.”

5. Mose 19:11

Hi vavarčandes yekeha, kay his rhoyedo ap yekeste oun khatrell pes, oun dell yak te taprell lo les, oun djal ap leste pre oun dell les moulo. Te nashell savo mensho an sau foro,

1. Samuel 18:25

Oun o Saul penas: Yaake penenn ap o David: “O baro ray kamell či vavares, hoy hounte dess leskro čake, har o morshkano mass sheel moule Filistarendar. Yob kamell lenge o čilačepen pale te dell, hoy le ap leste kran.” Čačepah kamas o Saul te perell o David an o vast i Filistarendar, oun yon te denn les moulo.

1. Samuel 20:1

Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.