4. Mose 35:2 - O Debleskro Lab 2024 (Sinte-Manouche)

² Pen ap kol Israelende: T'mer lenna them oun forya. Denn kol foryendar ninna forya kolende dran o kheer Levi, kay yon nay djivenn. Denn lende ninna them lengre firhenge, ko themestar, hoy troul kol forya hi,

O Debleskro Drom 2021 (Sinte)

² Pen ap kol Israelende: Tumer lenna them un forja. Denn kol forjendar ninna forja kolende dran o kheer Levi, kai jon nai djiwenn. Denn lende ninna them lengre viechenge, ko themestar, hoi trul kol forja hi,

4. Mose 35:2 ပူးပေါင်းရင်းမြစ်များ

1. Familjakro liil 13:2

Palle penas lo ap i tsele Israelitarya, kay kote his: “Te hi t'menge mishto, oun lačo glan maro baro Debleskre yaka, palle bičras mer bičepangre pash mare phralende an i tsele kotya o themestar Israel, ninna pash i rashayende oun i Levitarya, kote kay yon djivenn. Oun mer moukah lenge te penell, te venn le pash mende khetne.

2. Familjakro liil 11:14

I Levitarya moukan pengre forya oun halauter, hoy len his, oun van an o them Youda oun an o foro Yerusalem. An o them Israel moukas len o Yerobeam oun leskre morsh čave bouder gar rashaya te ačell, kay boudrenn o baro Debleske.

2. Familjakro liil 31:19

Ninna i rashaya, kol čave o Aronestar, kay djivan vin glan lengro foro ap koy phoub, kay i firhe rhana, kolla lan pengro kotar rhapaske. Lenge van morsha pengro labeha vi-rodedo hako foreske, te denn le i tsele morshende an i rashayengre familye pengro kotar, ninna kol Levitaryen, kay an i lila dren činlo van.

Nehemia 13:10

Oun kote dikom ninna, te anan i Israelitarya gar i Levitarenge ko koova, hoy len hounte dino vals. Doleske kran i Levitarya oun i gipangre bouder gar pengri boudi an o Debleskro kheer, oun nashan penge hakeno ap peskri kotar phoub.

Ezekiel 48:8

Ap i čači rig ko themestar, hoy o kheer Youda lell, čivenn i kotar ap i rig, hoy mange hi. Kava kotar djal ninna foun kote, kay o kham pre djal bis kote, kay o kham tele djal, oun hi 12,5 (deesh-te-douy-te-paash) kilometarya bourhlo, oun yaake lengsto har kol vavar kotya ninna. Mashkral dren hi miro kheer tardo.

4. Mose 35:1

Oun o baro Devel rakras o Moseha an o telstouno them Moab pash o pani Yordan, ap i vavar rig o forestar Yericho, oun yob penas:

4. Mose 35:3

te hi len forya, kay djivenn le oun them lengre firhenge, kay lengre groumya, bakre oun vavar firhe nay rhana.

5. Mose 18:6

Te kamell i Levitari ko foro te moukell, kay djivell lo an Israel, oun kamell ap koy platsa te djal, hoy o baro Devel peske vi-rodell,