4. Mose 33:55 - O Debleskro Lab 2024 (Sinte-Manouche)

⁵⁵ Te tradenn t'mer gar kol menshen krik, kay djivenn an ko them, palle doukrenn t'men kolla, kay t'mer djido moukan, har i kasht an o yak, oun har i čoupni, kolah i groumni glan tradedo vell. Oun yon krenn t'menge o djipen phares an ko them kay t'mer djivenna.

O Debleskro Drom 2021 (Sinte)

⁵⁵ Te tradenn tumer gar kol menshen krik, kai djiwenn an ko them, palle dukrenn tumen kolla, kai tumer djido mukan, har i kasht an o jak, un har i tchupni, kolah i grumni glan tradedo well. Un jon krenn tumenge o djipen phares an ko them kai tumer djiwenna.

4. Mose 33:55 ပူးပေါင်းရင်းမြစ်များ

2. Mose 23:33

Moukenn len gar t'mentsa khetne an t'maro them te djivell! Te krans le kova, nay anans le t'men yaake dour, te mangenn t'mer lengre deblen an oun shounenn bouder gar ap mande. Oun kova vals t'maro merepen.

Ezekiel 28:24

I themma troul o them Israel dikenn kanna gomme tele ap o Israel oun doukrenn les. Yon hi i Israelenge har i soubya i soubyengre bourrendar. I tsiro vell, kay hi kova bouder gar yaake. Palle dikenn i menshe, te hom me, o baro Devel, lengro ray.

4. Mose 33:56

Palle krau t'mentsa yaake har kamom kol vavarentsa te krell.”

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:4

Kol ča anens t'mare morsh čaven o baro Debleskro dromestar tele, yaake te mangens le vavar deblen an. Palle vals o baro Debleskri rholi pral t'mende, oun sik marals yob t'men.

Josua 23:7

Ma čivenn t'men khetne kol vavar menshentsa, kay gomme an kava them djivenn. Lengre deblen denn gar an-gole! Ma denn t'men sovel pash lende! Ma anenn lenge firhen oun vavar koova! Ma vitsrenn t'men tele glan lende!

Čačepangre 2:3

Koy penom me: Me tradau len gar glan t'mende vin. Oun yon venn t'menge har shelle, kay taprell yek firhen dren. Oun ap ko dives, kay mangenn t'mer lengre deblen an, taprenn t'mer dren.”