4. Mose 31:54 - O Debleskro Lab 2024 (Sinte-Manouche)

⁵⁴ O Mose oun ko rashay Elazar lan ko sonakay kol pralstunendar oun anan kova an o Debleskro plarhteno kheer, te bistrell o baro Devel gar, te dikell lo lačes ap i Israelitarya.

O Debleskro Drom 2021 (Sinte)

⁵⁴ O Mose un ko rashai Eleasar lan ko sonakai kol pralstunendar un anan kowa an o Debleskro plachteno kheer, te bistrell o baro Dewel gar, te dikell lo latches ap i Israelitarja.

4. Mose 31:54 ပူးပေါင်းရင်းမြစ်များ

Esra 7:5

koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.

Debleskri gili 115:1

Tou kokres, baro Devel, vess sharedo! Tou hounte vess sharedo, gar mer! Tou hal kova, kay lačo hi oun hako tsiro peskro lab rikrell.

Debleskri gili 145:7

Yon sharenn tiro baro lačepen, oun givenn pral tiro čačepen.

Debleskri gili 18:49

Tou lal man vin dran i vasta kolendar, kay kaman miro merepen. Tou hadal man pral kolende, kay hadan pen ap mande, oun moukal man gar an i čilače vasta.

2. Mose 28:12

Palle kre kol douy barra ap i damdira pre, kote kay i phika hi. Yaake hidjrell o Aron i laba o Israeleskre čavendar ap peskre phika, te djal lo an o Debleskro kheer. Oun yon venn mange, o baro Debleske, an o shero, te vap lenge lačo.

2. Mose 30:16

Oun tou less kol love, hoy i Israelitarya tout denna, oun dess len kolende, kay ap o Debleskro plarhteno kheer boudrenna. Yaake bistrau i Israelitarya gar oun dikau lačes ap lende, te ačenn le djido.

Zakarie 6:14

Oun o baro rayeskri stadi ačell an o baro Debleskro kheer, te venn kol morsha Helday, Tobiya, Yedaya oun Yosia gar bistedo.”

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”