4. Mose 31:3 - O Debleskro Lab 2024 (Sinte-Manouche)

³ Koy penas o Mose ap i Israelitaryen: “Lenn lourden t'mendar, te kourenn yon pen kolentsa dran Midian. Yaake te lenn kol Midianarya pengri phagi, hoy o baro Devel len dell.

O Debleskro Drom 2021 (Sinte)

³ Koi penas o Mose ap i Israelitarjen: “Lenn lurden tumendar, te kurenn jon pen kolentsa dran Midian. Jaake te lenn kol Midianarja pengri phagi, hoi o baro Dewel len dell.

4. Mose 31:3 ပူးပေါင်းရင်းမြစ်များ

2. Rajengro liil 10:30

O baro Devel penas ap o Yehou: “Kova, hoy kral ap o Ahabeskro kheer, his mishto an mire yaka. Tou kral ap leste, hoy man an miro dji his. Doleske venna dran tiri familya bare raya yaake rah, bis te star familye yek pal i vavar djivan.”

2. Rajengro liil 9:7

Oun tou maress kol menshen, kay venna tiro rayestar Ahab. Yaake dau len i phagi ko rateske, hoy ratas, har maras i Isebel mire boudepangren, mire rakepangren oun kol tsele vavaren, kay mange koy his.

2. Mose 17:16

Oun o Mose penas: “Kova vas, har hadom mire vasta pre ap o baro Debleste. An ko tsiro, hoy vella, dell o baro Devel i Amalekarya pale te pale.”

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Jeremia 50:28

I bari gole vell shounlo kolendar, kay hounte nashenn penge sik, kolendar, kay van vin dran o them Babilonia. An Yerusalem ap i berga Sion penenn le, hoy maro baro Devel ap i Babilonarya kras, te dell lo lenge pale, hoy yon leskro khereha kran.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

4. Mose 25:11

“O Pinhas, koleskro dad o Elazar hi, oun koleskro papo o rashay Aron his, kova las miri rholi kol Israelendar krik. Yob his yaake rhoyedo har me homs, oun kras, te marom me gar i tsele Israelitaryen an miri rholi.

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

4. Mose 31:4

Lenn yek zero morshen dran hakeneste kol deesh-te-douy bare familyendar, hoy venn o Yakobeskre čavendar, oun bičrenn len an o kourepen.” Oun yaake kran le, oun 12.000 (deesh-te-douy-zerya) morsha van khetne kourepaske.

Čačepangre 5:2

Sharas o baro Debles! Čače morsha anan o Israel an o kourepen. Pendar vin djan i kourepangre lentsa.

Čačepangre 5:23

Praasenn o foro Meros, penas o baro Debleskro bolepaskro. Praasenn kolen, hoy an ko foro djivenn! Ava, praasenn len! Yon van gar ap o baro Debleskri rig, oun djan gar an o kourepen khetne kol čače morshentsa.