4. Mose 31:28 - O Debleskro Lab 2024 (Sinte-Manouche)

^28-29 Oun kolla, kay his an o kourepen, hounte denn čomone o baro Debleske. Kolestar, hoy yon pandles lan, le yek menshes hake panč-shelendar oun yek firho hake panč-shelendar, i groumyendar, i bakrendar oun foun i bourike. Oun de les o rashayeste Elazar, te dell yob kova o baro Debleste.

O Debleskro Drom 2021 (Sinte)

^28-29 Un kolla, kai his an o kurepen, hunte denn tchomone o baro Debleske. Kolestar, hoi jon pandles lan, le jek menshes hake pantch-shelendar un jek viecho hake pantch-shelendar, i grumjendar, i bakrendar un fun i burike. Un de les o rashajeste Eleasar, te dell job kowa o baro Debleste.

4. Mose 31:28 ပူးပေါင်းရင်းမြစ်များ

1. Mose 14:20

Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

1. Familjakro liil 18:11

Kova lauter das o baro ray David o baro Debleste, oun čivas kova an leskro kheer, ninna ko roup oun sonakay, hoy las yob kol menshendar dran i themma Edom, Moab, Ammon, Filistia oun Amalek.

2. Familjakro liil 15:11

Oun anan ap kava dives o baro Debleske kolestar, hoy yon pentsa anan, har van le dran o kourepen pale: 700 (efta sheel) groumya oun 7.000 (efta zerya) bakre.

Jesaja 18:7

An ko tsiro venna kol morsha, kay yaake baro oun djeteha dren maklo hi, dran koy natsyona, kolendar i menshe darenna an hake themma, kolla, kay bari zoryah i vavarende khetne stakrenn, oun an kolengro them bare lengste panya nashenna. Yon venna oun anenn kouč koova o baro Debleske, ko rayeske pral o bolepen oun i phoub. Kova anenn le pash i berga Sion, kote kay yob khere hi.

Jesaja 23:18

Oun kol love, hoy le dren lenn, vell o baro Debleste dino. Kol love vell gar khetne anlo an i bravlepaskro kheer. Na-a, kol love lenn kolla, kay pash o baro Debleskro kheer djivenn, te vell len doha rhapaske oun lače koola an-ripaske.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

4. Mose 18:21

Kol Levitaryen dau me ko deshto kotar lauterestar, hoy an o them Israel bares vella. Yon boudrenn ap miro kheer. Doleske lenn yon kova.

4. Mose 18:26

Pen ap i Levitarya: Te anenn t'men i Israelitarya o deshto kotar kolestar, hoy ap lengre harhetikri phoub bares vas, – kova hi, hoy dau t'menge, – palle hounte denn t'mer kolestar mande ninna o deshto kotar.

4. Mose 31:30

Kol vavar Israelitarya hounte denn ninna čomone o Debleske. Lendar less tou yek menshes hake paash-shelendar oun yek firho hake paash-shelendar, i groumyendar, i bakrendar, foun i bourike, oun i tsele vavar firhendar, oun hounte dess len kol Levitaryen, kay krenn pengri boudi ap o Debleskro kheer.”

4. Mose 31:47

Oun o Mose las kolestar, hoy i Israelengre hi, o 50. (paash-sheelto) kotar hake firhendar oun hake menshendar, oun das len kol Levitaryen, kay boudrenn ap o Debleskro kheer, yaake har o baro Devel kova o Moseske penas.

Mateo 22:21

Penan le: “O shero oun o lab o baro rayestar an o foro Rom!” Penas lo ap lende: “Yaake denn leste, hoy leskro hi! Oun denn o Debleste, hoy leskro hi!”

Josua 6:19

O tselo roup oun sonakay oun o tselo sasterno koova hi o baro Debleske oun hounte vell anlo an leskro kheer, kay leskro bravlepen hi.”

Josua 6:24

O foro oun halauter, hoy an leste his, rhačran le pre. Kokres o roup oun o sonakay oun ko sasterno koova čivan le pash o bravlepen an o baro Debleskro kheer.

Josua 9:27

Oun yaake kras o Yosua, te van le boudepangre o khereske Israel, oun hounte dan kasht oun hounte anan pani i rashayenge, kay rhačran firhen o baro Debleske ap koy platsa, kay o baro Devel vin rodell. Kova hi gomme kava dives lengre boudi.