4. Mose 31:2 - O Debleskro Lab 2024 (Sinte-Manouche)

² “De kol Midianaryen ko čilačepen pale, hoy kran le ap i Israelitaryen! Oun pal kova vell ko dives, kay mereh tou.”

O Debleskro Drom 2021 (Sinte)

² “De kol Midianarjen ko tchilatchepen pale, hoi kran le ap i Israelitarjen! Un pal kowa well ko diwes, kai mereh tu.”

4. Mose 31:2 ပူးပေါင်းရင်းမြစ်များ

1. Mose 15:15

Oun touke penau me: Te mereh, soveh barhtelo dren. An i mishto phourepen veh tou paskedo.

1. Mose 25:17

O Ismael vas 137 (sheel-te-triyanda-te-efta) bersha phouro. Oun yob meras oun vas paskedo.

1. Mose 25:8

Les his i rah djipen. Oun yob meras an o mishto phourepen oun vas paskedo.

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

4. Mose 20:26

oun rib o Aroneske peskre rashayeskre koola vin, oun rib len leskro čaveste Elazar an! Oun o Aron merella kote.”

4. Mose 25:1

Oun i Israelitaryen his pengre plarhtene khera pash o foro Shittim. Kote moukan pen i morsha dren kol čentsa dran o them Moab.

4. Mose 25:6

Oun i tsele Israelitarya his čiddo o ropah glan o Debleskro plarhteno kheer. Koy anas i morsh dran Israel i Midianetsa an o plarhteno kheer peskri familyatar. Oun o Mose oun i tsele israelitarya dikan kova.

4. Mose 27:13

Oun te dikal tou kova, mereh tou, yaake har tiro phraal Aron ninna meras.

4. Mose 31:1

O baro Devel rakras o Moseha oun penas:

4. Mose 31:3

Koy penas o Mose ap i Israelitaryen: “Lenn lourden t'mendar, te kourenn yon pen kolentsa dran Midian. Yaake te lenn kol Midianarya pengri phagi, hoy o baro Devel len dell.

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 4:22

Me merau an kava them, me djau gar vergel o pani Yordan. T'mer djan ap i vavar rig, oun lenn ko lačo them t'menge dren.

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 19:2

Lačo oun čačo hi lo. I phagi, hoy yob i menshen das, hi mishto oun čačo. Yob das i bari loubyat lakri phagi. Yoy tserdas i menshen ap i tseli phoub an vi-ladjedo koova oun maras o Debleskre boudepangren. O Devel das lat ko čilačepen pale, hoy yoy ap lende kras.”

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Čačepangre 16:24

Oun har i Filistarya o Simsones dikan, sharan le pengro debles oun givan: Maro devel das koles an maro vast, kay menge čilačepen kras, koles, kay maro them khetne das, oun boud mendar maras.

Čačepangre 2:10

Palle meran ninna kol tsele vavar menshe, kay an kava tsiro djivan, har o Yosua djivas. Oun pal lende van menshe, kay o baro Debles gar prindjran, vitar gar kova, hoy yob i Israelenge kras.