4. Mose 31:15 - O Debleskro Lab 2024 (Sinte-Manouche)

¹⁵ Oun yob penas ap lende: “Hoske moukan t'mer i tsele djouvyen djido?

O Debleskro Drom 2021 (Sinte)

¹⁵ Un job penas ap lende: “Hoske mukan tumer i tsele djuwjen djido?

4. Mose 31:15 ပူးပေါင်းရင်းမြစ်များ

Jeremia 48:10

Praasedo hi, koon o baro Debleskri boudi čiddo moukell; praasedo hi, kay rikrell leskro rharo pale, te marell lo gar!

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

4. Mose 31:14

Oun o Mose vas rhoyedo pral i pralstoune lourdende oun pral kol pralstoune pral i zerya oun pral sheel lourdende, kay dran o kourepen van.

5. Mose 2:34

Palle lam leskre tsele forya dren, oun dam hakenes moulo: morsha oun djouvya oun čave, kek lendar ačas djido.

5. Mose 20:13

Oun ap ko tsiro, kay dell t'maro baro Devel les an t'maro vast, denn i tsele morshen moulo o rhareha.

5. Mose 20:14

I djouvya oun i čave oun i tsele firhe oun halauter, hoy t'mer dran o foro randan, kova rikrenn t'menge! Oun t'mer nay rhan ko tselo rhapen, hoy his kolen, kay kaman t'men gar. T'maro baro Devel das les t'menge.

Josua 10:40

Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.

Josua 11:14

Oun o kouč koova, hoy an kol forya his, ninna i tsele firhe čoran penge i Israelitarya. I tsele menshe dan le o rhareha moulo oun moukan kekes lendar djido.

Josua 6:21

Oun yon dan lauteren i rhareha moulo: i tsele morshen, djouvyen, terne oun phoure, groumya, bakre oun bourike.

Josua 8:25

Oun i tsele menshe, morsha oun djouvya, kay ap ko dives moulo dino van, his 12.000 (deesh-te-douy-zerya) menshe. O Yosua las peskro vast o rhareha gar tele, bis te hakeno moulo dino his. Lauter, kay an ko foro djivan, meran ap ko dives.

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”