4. Mose 30:15 - O Debleskro Lab 2024 (Sinte-Manouche)

¹⁵ Te penell yob či koy pre bis ap ko vavar dives, sikrell yob, te nay krell li kova, ap hoy yoy pes sovel das, oun hoy yoy ap peste las.

O Debleskro Drom 2021 (Sinte)

¹⁵ Te penell job tchi koi pre bis ap ko wawar diwes, sikrell job, te nai krell li kowa, ap hoi joi pes sowel das, un hoi joi ap peste las.

4. Mose 30:15 ပူးပေါင်းရင်းမြစ်များ

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

4. Mose 30:12

oun lakro rom shounell kova, oun penell či koy pre, oun penell gar, te hounte krell yoy kova gar, palle hounte rikrell li halauter, ap hoy yoy pes sovel das.

4. Mose 30:14

Lauter, kay i djouvel peskro lab pre das, ninna lakre tsele sobya, kolentsa yoy penas, te rikrell li pes pale čomonestar, nay hadell lakro rom pre oder moukell kova yaake.

4. Mose 30:16

Te shounas yob kova, oun hadas kova pal yek tsiro pre, hounte hidjrell yob lakri doosh.

4. Mose 30:5

oun lakro dad shounas lakro labestar, hoy yoy o Debleste das, oun yob penas či koy pre, palle hounte rikrell yoy halauter, kay das li pes sovel pre. Oun halauter, hoy las li ap peste, hounte rikrell li ninna.

4. Mose 30:8

oun lakro rom penell či koy pre ap ko dives, kay shounell lo kova, palle hounte rikrell yoy peskri sovel, oun hounte krell, hoy li ap peste las.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.