4. Mose 3:50 - O Debleskro Lab 2024 (Sinte-Manouche)

⁵⁰ Yaake las lo kol morshendar oun čavendar, hoy i phoureder čave his, khetne 1.365 kotya roup, hako kotar roup yaake pharo har kol kotya an o Debleskro kheer.

O Debleskro Drom 2021 (Sinte)

⁵⁰ Jaake las lo kol murshendar un tchawendar, hoi i phureder tchawe his, khetne 1.365 kotja rup, hako kotar rup jaake pharo har kol kotja an o Debleskro kheer.

4. Mose 3:50 ပူးပေါင်းရင်းမြစ်များ

4. Mose 3:49

Koy las o Mose ko roup kolendar, kay boudeder hi har kol Levitarya.

4. Mose 3:51

Oun o Mose das ko roup o Aroneste oun leskre čavende, yaake har o baro Devel kova leske penas.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 9:12

Har o Yezous an o Debleskro kheer an o bolepen djas, anas lo gar i bakrengro rat peha, vitar gar i groumyengro rat. Na-a. Peskro rat anas lo glan o Debleste. Kova kras lo yek kopo oun gar boud kope. Oun yaake las lo mari doosh hako tsireske mendar.

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.