4. Mose 3:38 - O Debleskro Lab 2024 (Sinte-Manouche)

³⁸ Glan o Debleskro kheer, ap koy rig, kay o kham pre djala, hounte vell koy platsa o Moseske oun o Aroneske peskre čaventsa, te denn yon garda, te vell o Debleskri boudi mishto kerdo i tsele Israelenge. Oun te vell i vavar pash o Debleskro kheer, te krell lo kay boudi, hounte merell lo.

O Debleskro Drom 2021 (Sinte)

³⁸ Glan o Debleskro kheer, ap koi rig, kai o kham pre djala, hunte well koi platsa o Moseske un o Aroneske peskre tchawentsa, te denn jon garda, te well o Debleskri budi mishto kerdo i tsele Israelenge. Un te well i wawar pash o Debleskro kheer, te krell lo kai budi, hunte merell lo.

4. Mose 3:38 ပူးပေါင်းရင်းမြစ်များ

1. Familjakro liil 23:32

Yaake hounte krenn yon pengri boudi an o baro Debleskro plarhteno kheer, oun pal i tsiro an leskro baro kheer, hoy kerdo vell, oun hounte venn i rashayenge ap i rig pash lengri boudi an o baro Debleskro kheer. I rashaya hi lengre phrala dran o kheer Aron.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 2:3

I platsa kol menshenge dran o kheer Youda hi glan o Debleskro kheer ap koy rig, kay o kham pre-djala, pash pengri pre-čiddi plarhta. Pash lende hi ninna lengre lourde, 74.600 (efta-deesh-te-star-zerya-shob-sheel) morsha. Lengro pralstouno hi o Nashon, koleskro dad o Amminadab hi.

4. Mose 3:10

Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

4. Mose 3:23

Oun len hi pengri platsa pal o Debleskro kheer, ap koy rig, kay o kham tele djala.

4. Mose 3:29

Lengri platsa hi pash o Debleskro kheer, ap koy rig, kay o kham tato hi.

4. Mose 3:35

Lengro pralstouno hi o Souriel, koleskro dad o Abihayil hi. Lengri platsa hi pash o Debleskro kheer ap koy rig, kay o kham gar vella.

4. Mose 3:37

Ninna hounte denn le garda ap kol kotya, hoy troul o glanstouni platsa hi: kol pesse kashta oun lengre pire, ap kolende yon tardo venna, kol tikne sasterne kotya, hoy denn le an i phoub, oun i shelle.