4. Mose 29:12 - O Debleskro Lab 2024 (Sinte-Manouche)

¹² Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

O Debleskro Drom 2021 (Sinte)

¹² Ap o deesh-te-pantchto diwes an o eftato tchon hunte wenn khetne glan o baro Debleste. Kek budi krenn ap ko diwes! Krenn i festo o Debleske efta diwessa,

4. Mose 29:12 ပူးပေါင်းရင်းမြစ်များ

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.

Esra 3:4

Oun yon rikran kol bare divessa, kay djivenn i Israelitarya an patyengre khera, yaake har tele činlo vas, oun rhačran yaake boud firhen o Debleske kol tsele efta divessa, har hako diveske glan činlo his.

Nehemia 8:14

Oun an ko liil hatsan le kol laba, kay penas o baro Devel ap o Moseste, te hounte rikrenn i Israelitarya kol bare divessa, kay kharenn Patyengre Khera an o eftato čon. Oun an kol divessa hounte djivenn le an tikne khera, hoy yon penge dran patria krenn.

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

2. Mose 23:16

Rikrenn ninna bare divessa mange an ko tsiro, kay anenn o nevo djob dren. Oun bare divessa rikrenn mange ninna an ko tsiro pal i niyal, te anan i drake dren, oun lauter, hoy bares vas ap i rouka oun ap tiri phoub.

2. Mose 34:22

Rikrenn bare divessa mange dren ap ko tsiro, kay t'mer o nevo djob dren anenn! Oun palle rikrenn bare divessa dren pal i niyal, te anan i drake dren oun lauter, hoy ap i rouka oun ap t'mari phoub bares vas.

Ezekiel 45:25

An o eftato čon ap o 15. (deesh-te-pančto) dives an ko čon vell ko festo, kay djivenn i Israelitarya an patyengre khera efta divessa. An kal efta divessa krell o ray yaake har an kal efta divessa glan kova, oun anell ko emligo koova o baro Debleske: firhe, hoy venn maredo oun tseles rhačedo, oun save, hoy venn maredo, te vell i doosh krik lino, ninna djob oun djet. Oun halauter vell yaake kerdo har glan kova.

3. Mose 23:7

Ap o ersto dives hounte venn khetne glan o baro Debleste. Kek hounte boudrell ap ko dives.

4. Mose 29:1

Oun ap o ersto dives an o eftato čon hounte venn khetne glan o baro Debleste. Kek boudi hounte krenn ap ko dives. Kava hounte vell t'menge i dives, kay phourdenn i phourdepaskri.

4. Mose 29:13

oun rhačrenn leske firhen. Oun o lačo soungepen, hoy djal pre, te venn le rhačedo, soungella mishto o baro Debleske. Ap o ersto dives rhačrenn leske deesh-te-triin terne morsh groumya, douy morsh bakre, oun deesh-te-star yek-bershengre bakre, kay gar nasselo hi.

4. Mose 29:35

Ap o orhtato dives hounte venn khetne oun krenn i festo. Kek boudi hounte krenn ap ko dives.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.