4. Mose 29:1 - O Debleskro Lab 2024 (Sinte-Manouche)

¹ Oun ap o ersto dives an o eftato čon hounte venn khetne glan o baro Debleste. Kek boudi hounte krenn ap ko dives. Kava hounte vell t'menge i dives, kay phourdenn i phourdepaskri.

O Debleskro Drom 2021 (Sinte)

¹ Un ap o ersto diwes an o eftato tchon hunte wenn khetne glan o baro Debleste. Kek budi hunte krenn ap ko diwes. Kawa hunte well tumenge i diwes, kai phurdenn i phurdepaskri.

4. Mose 29:1 ပူးပေါင်းရင်းမြစ်များ

1. Familjakro liil 15:28

Yaake anan i tsele Israelitarya o morhton o baro Debleskre deesh labentsa pral an Yerusalem. Yon dan gole i barhtyatar, givan oun bashran ap phourdepangre, doryengre bashepangre oun vavar bashepangre.

Esra 3:6

O ersto kopo har anan le firhen, te venn le rhačedo o baro Debleske, his ap o ersto dives an o eftato čon. An ko tsiro his i telstoune barra o baro Debleskro khereske gomme gar čiddo.

Nehemia 8:2

Yaake anas o rashay Esra ap o ersto dives an o eftato čon o Moseskro liil glan i tsele Israelitarya, kay khetne van, glan kol tsele morshende oun djouvyende, oun lauterende, kay nay hayvan les.

Debleskri gili 81:3

Givenn leske Debleskre gilya! Denn ap i pauka! Bashrenn ap i doryengre bashepangre!

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

2. Mose 23:16

Rikrenn ninna bare divessa mange an ko tsiro, kay anenn o nevo djob dren. Oun bare divessa rikrenn mange ninna an ko tsiro pal i niyal, te anan i drake dren, oun lauter, hoy bares vas ap i rouka oun ap tiri phoub.

2. Mose 34:22

Rikrenn bare divessa mange dren ap ko tsiro, kay t'mer o nevo djob dren anenn! Oun palle rikrenn bare divessa dren pal i niyal, te anan i drake dren oun lauter, hoy ap i rouka oun ap t'mari phoub bares vas.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

3. Mose 23:23

O baro Devel penas ap o Mose:

3. Mose 23:7

Ap o ersto dives hounte venn khetne glan o baro Debleste. Kek hounte boudrell ap ko dives.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

4. Mose 29:12

Ap o deesh-te-pančto dives an o eftato čon hounte venn khetne glan o baro Debleste. Kek boudi krenn ap ko dives! Krenn i festo o Debleske efta divessa,

4. Mose 29:2

Oun t'mer hounte rhačrenn firhen o Debleske. Oun ko lačo soungepen, hoy pre djal, te venn le rhačedo, soungella mishto o baro Debleske. Kolla hi kol firhe, hoy hounte rhačrenn leske tseles: yek terni morsh groumni, yek morsh bakro, oun efta yek-bershengre bakre, kay gar nasselo hi.

4. Mose 29:35

Ap o orhtato dives hounte venn khetne oun krenn i festo. Kek boudi hounte krenn ap ko dives.