4. Mose 26:55 - O Debleskro Lab 2024 (Sinte-Manouche)

⁵⁵ Vitsrenn i barhtyakre barra, te hatsenn vin, koon o Yakobeskre čavendar havo kotar them lella.

O Debleskro Drom 2021 (Sinte)

⁵⁵ Witsrenn i bachtjakre barra, te hatsenn win, koon o Jakobeskre tchawendar hawo kotar them lella.

4. Mose 26:55 ပူးပေါင်းရင်းမြစ်များ

Gosewe laba 16:33

O mensho vitsrell tikne kashta, te djinell lo, hoy te krell. Har le perenn, kova vell o baro Deblestar.

Gosewe laba 18:18

Te čingrenn pen douy zorele, oun tikne kashta venn vitsedo, te vell diklo, kones čačo hi, djal o čingepen krik, oun yon moukenn pendar tele.

Ezekiel 47:22

Kava them hi t'mare familyenge, oun vell o dadestar ap o čaveste doureder dino. Te vitsrenn t'mer kashta, hoy sikrenn, koon havo kotar them lella, palle bistrenn gar kol vi-themaryen, kay mank t'mende djivenn, oun kolenge pash t'mende čave boldo van! Yon hounte venn t'menge har yek foun t'mendar Israelitarya. Oun khetne t'mentsa lenn le pengro kotar them, oun kova ačell an lengre familye.

4. Mose 26:56

Yaake har i barra sikrenn, de len lengro them, i bari familyake i baro them oun i tikneder familyake i tikneder them.”

4. Mose 33:54

Oun t'mer hounte denn hakenes i kotar them. Vitsrenn i barhtyakre barra, te hatsenn vin, have menshe havo kotar them lenna. Kal familyen, kolen boud menshe hi, hounte denn boud them. Oun kol familyen, kolen gar boud menshe hi, hounte denn gar yaake boud.

4. Mose 34:13

Palle penas o Mose ap kol Israelitarya: “Kol menshe dran o kheer Ruben, dran o kheer Gad, oun ko paash kol menshendar dran o kheer Manasse lan pengro kotar them ap kay rig o panyestar Yordan, vergel o forestar Yericho, ap koy rig, kay o kham pre djala. Kava kate hi ko them, kay lenn t'mer vavar. Yaake kamell kova o baro Devel. Vitsrenn barhtyakre barra te hatsenn vin, koon havo kotar lella.”

4. Mose 36:2

oun penan: “O baro Devel penas touke, maro rayeske, te vell ko them i Israelitaryen yaake dino, har i barhtyakre barra sikrenn, te vell kova lenge. Ninna penas lo touke, te dess ko them, hoy maro phrales, o Selofades his, leskre čende.

Bičepangre 1:26

Oun yon vitsran i kashta, oun yek kasht sikras ap o Matias. Oun yob vas o Yezouseskro bičepaskro yaake har i vavar deesh-te-yek Yezouseskre bičepangre.

Kolossarja 1:12

Parkrenn t'men o tselo djiyestar pash o Debleste, kay hi t'maro dad an o bolepen! Yob kras t'men moldo, te djivenn t'mer khetne i vavar patslentsa pash leste an o bolepen, kay hi kek tamlepen.

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 14:2

Yaake har o baro Devel kova o Moseske penas, vitsran le barra, hoy sikrenn, havo them hakeno kol enya-te-paash bare khera lella.

Josua 17:14

Oun kol morsha dran o kheer Yosef penan ap o Yosua: “Hoske vitsral tou kokres yek kopo i barra menge oun dal men yek kotar them? Mer ham yaake boud menshe! O baro Devel čivas boud barht ap mende, te vam boud menshe.”

Josua 18:6

T'mer činenn an i liil, foun kay bis kay kol efta kotya them djana. Oun te kran kova, palle anenn mange, hoy pre činan! Oun me vitsrau glan maro baro Debleste i barra, hoy sikrenn, koon hoy lella.

Josua 19:1

Oun o douyto kopo van i barra vitsedo, kava kopo peran le ap o kheer Simeon oun leskre familye. Oun lengro kotar them his mashkral dren an o them Youda.

Josua 19:10

Oun i barra van o triinto kopo vitsedo. Oun kava kopo peran le ap o kheer Zabulon oun leskre familye. Oun lengro them djas bis pash o foro Sarid,

Josua 19:17

Oun i barra van o starto kopo vitsedo, oun kava kopo peran le ap o kheer Issakar oun leskre familye.

Josua 19:24

Oun i barra van o pančto kopo vitsedo, oun yon peran ap o kheer Asser oun leskre familye.

Josua 19:32

Oun i barra van o shobto kopo vitsedo, oun yon peran ap o kheer Naftali oun leskre familye.

Josua 19:40

Oun o eftato kopo van i barra vitsedo, oun kava kopo peran le ap o kheer Dan oun leskre familye.