4. Mose 26:10 - O Debleskro Lab 2024 (Sinte-Manouche)

¹⁰ Oun i phoub kras peskro mouy pre, oun tserdas len tele khetne o morsheha, o Korah. Oun kol 250 (douy-te-paash-sheel) morsha, kay djan lentsa, meran an i yag. Yaake van le i sikepen, te dikan i menshe, hoy hi.

O Debleskro Drom 2021 (Sinte)

¹⁰ Un i phub kras peskro mui pre, un tserdas len tele khetne o mursheha, o Korach. Un kol 250 (dui-te-paash-sheel) mursha, kai djan lentsa, meran an i jag. Jaake wan le i sikepen, te dikan i menshe, hoi hi.

4. Mose 26:10 ပူးပေါင်းရင်းမြစ်များ

2. Mose 16:35

Oun i Israelitarya rhan ko Manna star-deesh bersha, yaake rah bis te van le pash ko them Kanaan.

Jeremia 29:22

I tsiro vell, kay penenn i menshe dran o them Youda, kay krik anlo van an Babilonia, te kamenn yon yekes te praasell: Mou krell o baro Devel touha, har kras lo ap o Sidkiya oun ap o Ahab, kolen moukas o baro ray dran Babilonia djides te rhačrell.

Ezekiel 14:8

Me dikau čilačes ap leste. Oun ap leste dikenn i menshe, hoy saveha djal, kay savo koova krell, oun yon rakrenn lestar i rah tsiro. Me krau les pale-čiddo hako tsireske, te nay djivell lo bouder gar mank mire menshende. Yaake dikenn oun hayvenn t'mer, te hom me o baro Devel.

4. Mose 27:3

“Maro dad meras an o moulo tato them, oun his gar mashkral kolende, kay djan o Koraheha oun hadan pen pral o baro Debleste. Yob meras peskri doshake, hoy yob kras. Oun les his kek morsh čave.

5. Mose 11:6

oun hoy lo kras ap o Datan oun ap o Abiram, kolengro dad o Eliab his dran o kheer Ruben: Har i phoub peskro mouy pre kras oun len mashkral i tsele menshende Israel pre rhas, len oun lengre tsele menshen oun lengre plarhtene khera, ninna lengre boudepangre oun firhe, hoy pash lende his.

5. Mose 28:46

Hako tsiro, kay vell kay bibarht pral t'mende, vell diklo, te hi o baro Debleskro praasepen ap t'mende čiddo.

2. Petro 2:6

Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

1. Samuel 2:34

Me dau tout i sikepen: Tire douy čave, o Hofni oun o Pinhas, merenna ap yek dives. Te vell kova, dikeh, kay ko vavar koova ninna čačo hi.