4. Mose 25:8 - O Debleskro Lab 2024 (Sinte-Manouche)

⁸ oun djas pal kol Israelitari an leskri isema, oun das an kol douyende khetne dren čourye, an ko morsheste, kay vell dran Israel oun an koy djouvel. Koy heras ko nasslepen pre, hoy ap i Israelitarya čiddo his.

O Debleskro Drom 2021 (Sinte)

⁸ un djas pal kol Israelitari an leskri isema, un das an kol dujende khetne dren tchurje, an ko mursheste, kai well dran Israel un an koi djuwel. Koi heras ko nasslepen pre, hoi ap i Israelitarja tchiddo his.

4. Mose 25:8 ပူးပေါင်းရင်းမြစ်များ

2. Samuel 21:14

Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

2. Samuel 24:25

Oun o David kras koy o baro Debleske i rhačepaskri oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun o baro Devel dikas pale lačes ap ko them Israel. Oun ko nasslepen djas kol menshendar pale krik.

1. Familjakro liil 21:22

Oun o David penas ap o Arauna: “Bike mange tiri djobeskri platsa, te krap kote i rhačepaskri o baro Debleske, te djal koy nasslepen i menshendar krik. Me dau tout yaake boud love har koy platsa moldo hi.”

Maleachi 2:5

Lentsa krom vin, te dap len djipen oun lačepen, oun yon hadan man. An kol divessa shounan le ap mande, oun len his traash mandar.

4. Mose 17:13

Oun yob his tardo mashkral kol moulende oun kol djidende. Koy djas koy phagi krik.

4. Mose 25:11

“O Pinhas, koleskro dad o Elazar hi, oun koleskro papo o rashay Aron his, kova las miri rholi kol Israelendar krik. Yob his yaake rhoyedo har me homs, oun kras, te marom me gar i tsele Israelitaryen an miri rholi.

4. Mose 25:5

Oun o Mose penas ap kol Israeleskre čačepangre: “Denn moulo hakeno peskre menshen, kay nashan o Baal-Peor palla!”

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.