4. Mose 25:13 - O Debleskro Lab 2024 (Sinte-Manouche)

¹³ oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

O Debleskro Drom 2021 (Sinte)

¹³ un doleske wess tu un tire tchawe pal tute hako tsireske mire rashaja. Tiro dji chatchas tiro Debleske un tu kral, te was kol Israelenge i doosh krik lino.’”

4. Mose 25:13 ပူးပေါင်းရင်းမြစ်များ

2. Samuel 21:3

oun penas ap lende: “Hoy krap me t'menge? Oun har nay krau me kova pale mishto, hoy ap t'mende kerdo vas? Kamau, te dikenn oun rakrenn t'mer pale lačes ap i menshende o baro Deblestar.”

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 19:14

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 2:27

Yaake bičras o Salomo o Abyatares khere, te ačell yob bouder gar rashay glan o baro Debleste. Yaake vas ko lab o baro Deblestar čačepen, hoy yob penas pral o kheer o rashayestar Eli, kova, kay djivas an o foro Shilo.

Nehemia 13:29

Miro Devel, ma biste, kay anan yon ladj ap o rashayeskri boudi, oun rikran pen gar ap ko lab, hoy tou i rashayentsa oun i Levitarentsa vin kral.

Debleskri gili 106:31

Kova, hoy o Pinhas kras, his shoukar glan o Debleskre yaka. Doleske kras o Devel les čačo glan peskre yaka hako tsireske.

Debleskri gili 119:139

I rholi tapras man oun kamas man pre te rhačrell, har dikom, kay bistran kolla tire laba, kay mange o djipen phares krenna.

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

2. Mose 29:9

Palle čip lenge o pereskro pandepen trouyel oun čip i rashayengre stadja ap lengre shere, te venn le mange rashaya hako tsireske. Oun yaake aneh tou len an lengri boudi:

2. Mose 32:30

O vavar dives rakras o Mose ap i Israelitarya: “T'mer anan bari doosh oun ladj ap t'mende. Kanna kamau pale pash o baro Debleste ap i berga te djal, te mangap lestar, te bistrell lo t'mari doosh.”

2. Mose 40:15

Oun mak len o djeteha yaake har makal lengro dad, te venn le mire rashaya. Yon oun lengre čave pal lende te venn le maklo o djeteha, te venn le mire rashaya hako tsireske.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jeremia 33:18

Oun hako tsiro hi rashaya koy dran o kheer Levi, kay rhačrenn mange hako dives firhen oun rhapen, save firhe, hoy tseles rhačedo venn oun vavar, kolendar kotya mass rhačedo venn.

Jeremia 33:22

Kek nay penell, kitse bolepangre momlia an o bolepen hi. Oun kek nay penell har boud santa pash o baro pani hi. Yaake dau miro boudepaskro o Davideste yaake boud čave, kay pal leste venna, te djinell kek, har boud yon hi. Oun ninna krau, te venn i Levitarya boud boud, kay mire rashaya hi.

3. Mose 15:15

Ko rashay marell koy yek, te vell ko pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell ko morsh, kay dran peskro nasslepen pale-čiddo his, pale erligo glan o baro Debleste.

Maleachi 2:8

T'mer rashaya nashan miro dromestar ap i vavar drom. Oun boud menshe peran t'mentsa miro dromestar tele. T'mer sikran lende bouder gar o čačo drom, oun phagan ko lab, hoy me i Levitarentsa vin krom. Doleske penau me, o baro Devel, ko ray pral o bolepen oun i phoub:

4. Mose 17:12

Oun o Aron kras yaake, har o Mose leske penas, oun nashas mashkral i tsele menshende oun dikas, kay boud menshe moulo his. Koy rhačras yob soungepaskro koova, te dikell o Devel bouder gar ap i menshengri doosh.

4. Mose 25:14

Ko morsh dran Israel, kay vas moulo dino khetne koy Midianetsa, kharas Simri, leskro dad his o Salu. Kova his i pralstouno i menshendar Simeon.

Johanni 2:17

Koy vas o Yezouseskre malenge an o shero, hoy an o Debleskro lab činlo hi: Miro kamlepen tiro khereske rhal man pre har i yag.

Hebrearja 2:17

Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

Hebrearja 7:11

Mer djinah, har das o Devel peskre menshende o Moseskre lila, koy penas yob ap o Leviteskre čave, te venn le rashaya. Ninna te kran yon pengri boudi yaake, har lengro dad, o rashay Aron, nay čivan le i menshen gar an o čačepen glan o Debleste. Doleske rodas o Devel i vavar rashayes vin, yek, kay krell peskri boudi yaake har o Melkisedek, oun bouder gar yaake har o Aron.

Josua 7:12

Doleske nay venn i Israelitarya bouder gar zorele pral kolende, kay kourenn pen lentsa. Oun yon hounte nashenn lendar. Kanna hi yon kolla, kay hounte darenn lengro djipaske. Me hom bouder gar t'mentsa yaake rah, har anenn t'mer gar ko koova dran t'mende krik, hoy mandar čoran.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

Debleskro tsiro 1:6

Yob kras men raya oun rashaya o Debleske, peskro dadeske. Leske hi o raylepen oun i zoor kanna oun hako tsireske! Amen.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.