4. Mose 24:1 - O Debleskro Lab 2024 (Sinte-Manouche)

¹ Har o Bileam kanna dikas, kay o baro Debleske kova mishto hi, te rakrell lo i barht pral o Israel vin, rodas yob gar pal i sikepen, hoy leske penell, hoy o Devel kamella, yaake har kras yob kol vavar kope. Yob rissras pes oun dikas ap o moulo tato them,

O Debleskro Drom 2021 (Sinte)

¹ Har o Bileam kanna dikas, kai o baro Debleske kowa mishto hi, te rakrell lo i bacht pral o Israel win, rodas job gar pal i sikepen, hoi leske penell, hoi o Dewel kamella, jaake har kras job kol wawar kope. Job rissras pes un dikas ap o mulo tato them,

4. Mose 24:1 ပူးပေါင်းရင်းမြစ်များ

4. Mose 22:13

Koy stas o Bileam taysarlake pre, oun penas ap kol pralstunende, kolen o Balak bičras: “Djan an t'maro them pale! O baro Devel kamell gar, te djap me t'mentsa.”

4. Mose 22:7

Oun i phoureder kol menshendar Moab oun Midian djan khetne pash o Bileam. Oun love his an lengre vasta o dourkepaske. Oun yon van pash leste, oun penan leske kol laba, hoy o Balak penas.

4. Mose 23:15

Oun o Bileam penas ap o Balak: “Dja pash tiro firho, hoy rhačreh o Debleske! Me kamau doureder te djal, te vap khetne o Debleha.”

4. Mose 23:20

Shoun, yob penas mange te rakrap i barht pral kol menshende vin. Yob čivas i barht pral lende. Oun me nay krau či vavares.

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

4. Mose 23:28

Oun o Balak anas les pash i berga Peor, kay nay dikas lo tele ap koy telstouno them pash o pani Yordan.

4. Mose 23:3

Oun o Bileam penas ap o Balak: “Dja pash ko firho, hoy rhačreh o Debleske. Me kamau doureder te djal. Nay vell, te moukell pes o baro Devel glan mande te dikell. Palle kamau touke te penell, hoy yob mande sikrella.” Oun yob djas ap i berga, kay hi kek veesh.

4. Mose 23:30

O Balak kras, har o Bileam penas, oun rhačras ap haki rhačepaskri yek terno gouroum oun yek bakro.

4. Mose 31:16

Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.

1. Samuel 24:20

Kay hi yek, kay hatsell koles, kay kamell les te marell, oun moukell les an o kamlepen peskro drom te djal? O baro Devel moukell touke lauter mishto te djal koleske, hoy kava dives ap mande kral!

1. Samuel 26:2

Kote kras pes o Saul ap o drom oun djas tele an o moulo them Sif. Oun khetne leha djan 3.000 (triin-zerya) vi-rodede morsha dran Israel, te rodenn le o Davides.

1. Samuel 26:25

Oun o Saul penas ap o David: “Debleskri barht vell ap toute, miro čavo David! Touke djal lauter mishto, hoy kreh!” Oun o David djas peskro drom. Oun o Saul djas pale khere.